OIL PALM CHING TURTE TANA HRIATTUR PAWIMAWH

➢ Oil Palm chin hi Tel (Cooking Oil)-a kan intodelh theihna atana hmalakna a ni.

➢ Oil Palm hi ram lum thlai a ni a, hmun hniam leh lum 900m MSL hnuai lama

chin tur a ni.

➢ Hmun awih lutukah chin loh tur a ni.

➢ A tiak phurh luh, leitha leh thlai mamawh thil dang phurh luh te, a rah

huna phurh chhuah te a harsat lutuk loh nan kawngpui hnaihah chin ni thei se.

➢ Oil Palm chingtuten a huhoa zau khat bawh ni thei se.

➢ Tlang sang leh thlasika vur tlakna hmunah chin loh tur a ni.

➢ Oil Palm hi feet 30 kar hlata phun tur a ni. A inhnaih lutuk chuan a indip a, a rah a

lian thei lo.

➢ Thal laia tui pek tur awm thei se a duhawm hle.

➢ Leitha pek hian a kung a tihriselin a thar a tihlawk hle.

➢ Ransa chi tinin an duh avangin phun atanga kum 3-na thleng ven leh enkawl uluk

a ngai zual.

➢ Tanpuina behchhan ringawta chingte tan hlawhtlinna a awm lo.

➢ Oil Palm hi phun atanga kum 3-naah a rah tan thei a, a par hmasa hi paih phawt

tur a ni a, a kum 4-na atangin senga hralh tan theih a ni.

Issued by Department of Agriculture (Crop Husbandry) : Mizoram

Editorial…………………………………………………………………………………..2

General Section :

1. Inlungrualna leh Thawhhona Tha……………………….……..…….. 3

- R . Lalzirliana, Minister

2. Loneitu Khawmpui …………………………….……………………….….... 8

- James Vanlaluaia

3. Mithiamte Thil Hmuhchhuah……….……….….…….…. …………….10

- Khawtinthanga Ralte

4. Krishi Vasant 2014- Nagpur……...…………………………..……...…. 12

- H. Lalmuanpuia

5. Oil Palm Herna Khawl Kan Tlawh………………………….……..…. 16

- Ramtinchhawna

6. Director hova Khawthlang Zin……..……………….……….…….…. .18

- R. K. Nithanga

Technical Section:

1. Mizorma Oil Palm Chin Kawnga Harsatna……………………….21

- C. Lalnithanga

2. Critical Period in Agriculture…………………………………………..26

- R. Larinawma

3. Oil Palm Nge Nge............................................................................... 28

- Lalchharliana.

4. Thal laia kan thlai chin uar………………………………………………33

- George Lalthanngura

Regulars :

1. Kan Chet Velna …..……………………………….…...……………………. 37

2. Keimahni…......................................................................................... 40

Zoram Loneitu

Editorial Board

Editor- in-Chief

Dr C. Lalzarliana

Director of Agriculture

(Crop Husbandry )

Editor

James Vanlalluaia

Deputy Director (Extension)

Joint Editors

Lalrinliana

Join Director of Agriculture

H. Thankhuma

Join Director (MMA)

Contributing Editors

DAO-Aizawl, Lunglei,

Saiha,Champhai, Kolasib,

Serchhip, Lawngtlai ,Mamit

Cirular Manager

George Lalthanngura

ASSO

Members

Rohmingthanga Colney

Deputy Director (Planning)

R.K. Nithanga

Deputy Director (Oil Palm)

C.Lalthlamuana

Deputy Director (Soil Survey)

C. Lalnithanga

APPO

Tlangtinmawia Zote

Insecticide Analyst

CONTENTS

HLAWHTLINNA THURUK

Japan ho hlawhtlinna thuruk chu an taimakna, rinawmna leh thawh ho

thiamna hi a ni an ti thin. Chutiang bawkin India ram State zinga Punjab -ho

hlawhtlinna chhuitute chuan an taimakna leh rinawmna hi an hlawhtlinna bul niin

an sawi thin. Mizote hi hnam taima tak kan ni kan ti thin a, kan loneitute taimakna

leh thawhrimna hi Japan loneitute thawhrimna aiin a nep chuang kher lovang. Mahse,

hmasawnna kawngah chuan kan la sang lo hle si a. Ruahmanna fel tak hnuaiah tum

bik chiang tak neia theihtawp chhuaha hnathawh hi a tul a ni. Mi thenkhat chuan

Leilet kan han siam a, kum hnih/khat rim taka kan thawh hnuah kan beidawng a, kan

pamtul leh mai thin. Engpawh ti dawn ila a tawpa kan thlen tur thlir reng chungin

harsatna tam tak kaltlanga hmalak tumna rilru kan neih tlat a tha. Tunah hian Oil

Palm pawh kan han ching tana, harsatna tlem kan han hmachhawn avanga beidawng

ta mai kan awm tan niin a lang. Mahse, ram changkang leh hnam fing zawkte pawhin

an hlawkpui a, an hausakphah a ni tih hrereng chunga harsatna zawng zawng tawntlanga

hmalatute chuan tunah ngei pawh hian hlawhtlinna rah an seng mek a ni. Mal leh

mala inel ralah chuan Japan hote, Punjab hote pawh hi Mizo Pa aia fing, taima leh

chak bik pawh an ni kher lovang. Mahse, an thiltih tawh chu beidawng mai lova an

beih tlat thin avangin an hlawhtling thin a lo ni. Thawhho an thiam a, mimal

hlawhtlinna chu ram hmasawnna leh hnam changkanna atan an senglut a, hnam

ropui leh zahawm an lo ni ta. MaoTsetung-a chuan "Chiangkaisek-a khan sangha ei

dan a zirtir che u a, kei chuan sangha man dan ka zirtir dawn the u a ni" a ti a.China

mipuite chu thawhrimnain bul a han tan pui a, hun reilote chhungin ram hmasawn

chak ber an lo ni ta. Heng hnam changkang zawkte hi entawn ila, kan ram atanga thil

tharchhuah ngei hi kan innghahna leh sum hnar a lo nih theih nan TAIMA TAK

LEH RINAWM TAKIN kan hmaa tihtur awm apiang i thawk ang u.

( Dr. C. LALLARLIANA )

Inlungrualna leh Thawhhona Tha

R. Lalzirliana,

Minister of Agriculture

( He thu hi ni 23.5.2014-a Mizoram Agriculture Service Association General Conference-

2014 Tourist Lodge, Chaltlang-a Agriculture Minister thusawi a ni)

In zinga ka lo tel ve thei hi ka lawm hle mai.

Agriculture hi kan ram ei leh bar dinhmun ngelnghehna leh hmasawnna atana a

hnukpui a la ni reng a, nangni hi chumi atana thiamna bik neite in ni.

In thiamna leh finna chhawrin tun kum 5 kal ta chhung khan "Agriculture leh

loneitute dinhmun chawikanna" tih thupuia neiin nasa takin hma kan la a. Hma kan lo

lak tawh zawng zawngte thlir kirin tihfuh tawk loh lai leh kan hlawhtlinnate pawh uluk

taka ennawn a ni a, tun hma zawng aia chak leh fimkhurin hma kan la chho zel a, chu

chuan nasa takin rah tha a chhuah chho mek a ni.

In inpekna leh in hmalakna hrang hrang azara Sorkar hnathawh han sawi zawr

zawr ila:

i. State Scheme (NLUP) leh CSS to a hmang tangkai : Kan Sorkar hian

Centrally Sponsored Scheme (CSS) lo awm sa — RKVY, MMA, NFSM, ATMA

leh a dangte hi uluk lehzualin a zir chiang a, tunhma zawng aia nasa leh

tangkaiin a hmang ta a. State Flagship Programme — NLUP hmangin loneitu

chhungkaw tam tak khaichhuah an ni a, hengte avang hian hmasawnna nasa

takin a chak phah a tih theih awm e.

ii. Eizawnna ngelnghet siam : Kan mipuite tana pawimawh em em ‘Eizawnna

Ngelnghet Siam' hi thinlunga dah nghet tlatin hma a la a, mi tam tak chu rahbi

rualrem rap theiin a dah chho ta.

iii. Loneitu tana Khawl tha (Farm Mechanization) : Kan ramah lo neih a hlawk

loh thin avang leh thalaite tel vena a tlem em thin avangin khawl tha, Tractor,

Power Tiller, Tui Pump khawl leh a dangte tam zawk a la chhuak a, chu chuan

thalaite a tiphur a, buh leh bal thar chhuahnaah an tel tam chho telh telh

loneituten handam leh hlawk zawkin thlai an ching chho ta mek a ni. Tin, khawl

man hi nasa takin Sorkarin a tihhniamsak bawk a, khawl tha hmang thei pawh an

pung ta hle.

Hmasawnna Langsar Zualte :

Tun kum 5 chhunga hmasawnnate hi sawi sen a ni lo yang a, a hrechiang

bertute in ni zawk ang. Heti chung hian hmasawnna langsar zualte han tarlang ila :-

1. NLUP Hmalakna : NLUP hnuaia Agriculture lama hmalakna hi kum 2010

-11 atanga tan a ni a, vawiin thlengin hetiang hian hnathawh a ni tawh -

i) WRC-I : Chhungkaw 8,767

ii) WRC-II : Chhungkaw 7,976

iii) Oil Palm : Chhungkaw 2,290

i v ) F u C h i n : Chhungkaw 878.

2. Leilehna Khawl leh Hmanraw Dang : Thalaite hip nan leh thlai thar a lo

hlawk zawk theih nan khawl chi hrang hrang uar zawka lakchhuah a ni a. A man

pawh CSS leh NLUP tankawptirin man tlawm zawka pek a lo ni thei ta zel bawk

hetiang hian sem chhuah a ni –

i) Tractor - 55 Nos. (Mihring tha 13,750 hen)

ii) Power Tiller - 1106 Nos. (Mihring tha 1,43,780 hen)

iii) Mini Power Tiller - 450 Nos. (Mihring tha 22,500 hen)

TOTAL - 1511 Nos. (Mihring tha 1,80,030 hen)

Heng bakah hian loneitute mamawh chi hrang hrang, entirnan, Pump Set, Brush

Cutter, Pipe, Sprayer leh hmanraw dangte sem chhuah

ni bawk.

3. Leilet (WRC) zauh belh leh tlangram loneih tlahniam : Kum 2009

hma lama leilet hectare 12,130 chu tunah 14,330-ah a kai chho a. Tlangram lo

pawh hectare 44,947 atangin hectare 24,706-ah a tlahniam ta bawk a, kum 2008 atanga

chhutin za zelah 45.03-in a tlahniam a ni.

Chutih mek laiin leilet leh tlangram lo-a kan buh thar pawh a pung chho ve zel a,

kum 2008-09 chhungin 12,282 MT thar thin kha nikum 2012-13 chhung khan 57,700

MT lai a lo tling ve ta a ni. Tin, kan productivity pawhin hma a sawn zel a, kum 2008-

09 chhunga 1.53 MT per Ha. ni thin kha kum 2012-13 ah chuan 2.09 MT per Ha. lai a lo

ni ta a ni. Mi tam takin hmun nghetah thlai an ching a, ramngaw tichhetu

tlangram loneih an bansan ta zel bawk.

4. WRC-II (Terrace Siam) : Mizoramah hian leileta siam theih ram

74,644 Ha. lai kan nei a, chung zingah chuan 14,330 Ha. chauh kan la siam a ni. Leilet

zawl awm theih lohnaah pawh NLUP leh CSS atangin nasa takin Terrace laih (WRC-II)

hna thawh a ni a, kum 2009 atang khan vawiin thlengin chhungkaw 7,976 laiin

Terrace laiin buh an ching ta bawk.

5. Buh Thar Tam Nan Technology Thar : He hun chhunga buh thar

titamtu pawimawh em em chu Technology thar, entirnan, System of Rice Intensification

(SRI), Improved Package of Practices (IPP) leh Hybrid Rice Technology (HRT) te hi

a ni. Buh chingtuten kalphung hlui paihin buh chin dan thar an hmang a, nasa

takin hmasawnna a thlen a ni.

6. Krishi Karman Award : Tun hma zawnga la awm ngai lo, January ni 25,

2013 khan kan Chief Minister-in `Buh Thar Tam Kum' a puang a. Sorkar leh

loneituten nasa taka can lain buh thar chu 12% laiin a lo pung ta a. Hemi avang hian

kum 201112-a buh-bal (Cereals) kan thar that vangin Central Sorkar chuan Krishi

Karman Award hial min rawn pe a, he Award hian pawisa fai Cheng nuai sawmhnih

panga lai a keng tel nghe nghe a ni.

Kum 2012-13 chhunga Agriculture Department-in buh-bal a thar tamna pawh

sang chho zelin, kum 2011-12 aia kum 2012-13 hian 9.50% velin a lo tam belh ta zel

a. He achievement hi a that em avangin Central Sorkar chuan a vawi hnihna atan `Krishi

Karman Award' min hlan leh ta a, hei pawh hian pawisa fai cheng nuai sawmhnih

panga a keng tel leh tho a ni.

7. Oil Palm Chin : Kan ram Chang zel atana kan innghahna la ni tur Oil

Palm chin kan uar zel a. Vawiin thlengin 17,588 Ha. laiah Oil Palm kan lo ching thei

ta a. CSS leh NLUP tangkawpin hma min sawntir zel bawk. Oil Palm buaipuina atan

Private Company lar pathum — Godrej Agrovet Pvt. Ltd., 3F Oil Palm Agrotech Ltd. leh

Ruchi Soya Industries Ltd. te thawhpui an ni a, khawl (Mill) a awm hma pawhin a thar

hmasa apiang leisak zel tho an ni a, Oil Palm ringawt atang hian cheng nuai riat chuang

lei pha an awm tawh a ni. Kum 2013 April atanga January, 2014 thleng khan FFB hi

heng company-te hian 3,287 MT hralh tawh a ni a, a sum zawng chuan cheng nuai

156.14 man hu vel a ni tawh.

8. Oil Palm Mill : Oil Palm chin lama hma kan sawn zel laiin, a herna

khawl (Mill) pawh hmun 3 — Kolasib, Lunglei leh Serchhip-ah te bun mek a ni a.

Kolasib (Bukvannei)-a mi phei chu pawn mai theih tura peih a ni tawh. He khawl hian

darkar 1-ah ton 5 a her thei dawn a, loneitute tan malsawmna leh Mizoram Agricuture

tan bung thar kaina a ni ngei dawn a ni.

9. Rasthriya Krishi Vikash Yojana (RKVY) kan hmang ve thei ta : India

Sorkar-in ram pum atana Scheme thar a siam RKVY chu bul tan a nih atanga kum 4

vel hmang thei lovin kan awm a. State Sorkarin Agriculture and Allied Sectors atan

Budget pum atanga 11% vel tal Agriculture hmalaknaah an dah loh chuan he scheme

hi hman theih a lo ni lo va. Keini pawhin kum 2009 hma lam kha chuan kan lo dah lo a,

he Sorkar hian rang taka hma lain, kum 2009 khan State Plan Fund hnuaia

Agriculture & Allied Sectors expenditure chu kum dang aiin 20% laia tihpun a to ni ta a.

Hei hi NLUP hmalakna avanga lo awm thei a ni.

Tichuan, kum 2010-11 atangin RKVY hi Mizoram-in kan lo hmang ve thei ta a

ni. He Scheme hi Department/Agencies 11 laiin an hmang tangkai mek a, kum 2013-

14 thlenga RKVY hnuaia Mizoram Sorkarin sum kan hmuh tawh zat chu Rs. 302.515

Crore a lo ding tawh a ni.

10. Department tihhmasawnna leh siam thatna : Mipui zaa 60-70 te

innghahna, Agriculture enkawltu department hi hun rei tak thlahthlam leh ngaihsak loh

a ni a; a thawktute pawh in hnualin bei a dawng fo thin. Hei hi hrerengin, Sorkar

chuan Department siam thatna turin hma a la ta a :

i) Kum 2011-ah Service Rules siam sakin Organised Service -ah hlankai in ni.

ii) Kum 2012-ah Entry Grade (AEO) chu Group B atangin Group A

Gazetted-ah hlankai a ni a, Mizorama Organised Service dangte nen inang khata

dah in ni ta.

iii) Kum 5 chhung hian Agriculture Department-ah Officer, Promotion/ Appointment

hmu 40 chuang in awm.

iv) Hemi hun chhung tho hian Post thar 10 siam belh a ni a; Oil Palm enkawltu bik

Deputy Director (Oil Palm) Post pawh siam thar a ni.

v) Hmun eng emaw zatah Office leh Staff Quarters thar sak belh a ni.

vi) In thawhrimna avang hian kum 2010 khan India Today chuan Mizoram chu

Agriculture lama State hmasawn chak ber "Most Improved State" ah min puang

hial a ni.

1. Vawiinah hian kan ram tana theihtawp chhuaha in lo beih tawhna

zawng

zawngah lawmthu ka sawi a, dik tak leh rinawm taka hna kan thawh chuan hmasawnna a

awm ngei ngei thin tih hi a chiang hle bawkin ka hria.

2. Chutih laiin Agriculture Service Officer-te hi kan ram ei leh bar dinhmun siamtha

theitu ban pawimawh ber in ni a, in kovah kan ram din chhuahna hi a innghat thui hle

a ni tih hre nawn fo turin ka chah duh che u a ni.

3. In duh angin sorkarin thil tihsak thei diak diak rih lo che u mah sela, taima tak leh

a eng zawnga thil reng reng thlir tlat chunga nasa taka thawk zel turin ka chah duh che u

a. Sorkar pawhin theihtawpin hma a la zel ang a, ei leh bara kan intodelh hmasak phawt

chuan hma a sawn zel loh theih loh.

4. Hmabak erawh a ko a, tih tur a la tam hle. Chawl hman kan ni lo a, chawl thei

kan ni hek lo. Harsatna lam en tlat mi tan chuan engmah a tih tak tak theih loh a,

beiseina nena hmatiam pan tlat mi erawh a hlawhtling thin.

5. Kan sorkara kan mi thiam bikte hian nasa zawkin rilru seng zel ula, ram leh hnam

hmasawnna tura ngaihtuah tul apiang mut mawh hnar mawha neiin, tan la ula, a

tihhlawhtlin theihna tura tih theih kan nei ve a nih phawt chuan theihtawp kan

chhuah ve ang.

6. Taksa pakhata peng hrang hrang a awm a, mahni hna theuh an thawk ang hian,

kan ram leh hnam hmasawnna leh din chhuahna atan mi tinin tih tur kan nei theuh a,

inlungrual taka kan thawhho tlat zel chuan hma kan sawn zel ang.

7. Zoram mipui/mirethei ei leh bara, intodelh theihna atana hnathawktu in nih hi

englai mahin theihnghilh hauh suh ang che u.

DIKNA/RINAWMNA LEH TAIHMAKNA nen, in tan ni lo, mipui te tana

thawh hmahruaitu in nih hi hre reng chunga hmalam pan turin thawktu zawng zawng

te ka sawm che u a, Mikhual rilru ni lo, Neitu nihna rilru pu chunga hna in thawh

chuan tun hun thar chhung hian nasa takin Agriculture Department hian hma a sawn

ngei ang.

■

LONEITU KHAWMPUI 2014

James Vanlalluaia, MAS

Deputy Director (Extension)

February ni 18, 2014 khan Vanapa Hall, Aizawl-ah Department of Agriculture

(Crop Husbandry) buatsaihin Loneitu Khawmpui (Farmers' Meet) 2014 hman a ni a.

He hunah hian Pu R. Lalzirliana, Agriculture Minister chu khuallian

nun

Pu Lalram

Thanga, IFS, Principal Secretary, Agriculture Department-in Programme a kaihruai

a, Minister hi Lt. Col. Z.S. Zuala, Parliamentary Secretary, Agriculture Department in

a tawiawm a ni. Hunserh hmangtu Rev. C. Chanchinmawia chuan, "Loneituten kan

tharchhuah atana sum leh pai, kan hmanral leh kan hlawhchhuah mipui hriata kan tarlang

thin hi a fuh to va, kumkhat chhunga kan dehchhuah zah mipui hriata puan kher hi a ngai

lo va. Mahni hnathawh hlutna vawnghim thiam ila. Sawrkar hnathawkte pawhin an

hlawhzah an sawi tha duh lo va. Engkim kan puanzar chuan miin kan hlawhtlin

dante lo hre vein an ti ve thuai a, kan intamchhuah ta thin a ni" a ti. Dr. C. Lalzarliana,

Director of Agriculture (Crop Husbandry)-in Power Point hmangin Technical

Report a pe a, ei leh bara kan intodelh theih nana Department-in hma a lak dan leh

Scheme hrang hrang hmanga hnathawh dante tawi kim takin report a pe a ni. Khuallian

Pu R. Lalzirliana, Agriculture Minister chuan he department to enkawltu hmasa Pu H.

Liansailova kaihhruaina hnuaiah Department-in nasa taka hma a lak dante sawiin

tunlai thiamna SRI hmangtein leh khawl tha tam zawk siam chhuah hmangtein nasa taka

tan lak chhoh mek a nih thu te a sawi a, Department-a thawktute chu thahnemngai

taka thawk tur leh rintlaka awm turin a chah a ni. Department mithiamte chu zalen

taka an thiamnate an hman tangkai sawrkarin a duh a ni tih a sawi a. Loneitute tha

taka zirtir turin a fuih bawk a ni. Chutianga tan lak a nih chuan harsa lutuk lovin kan

intodelh thei mai dawn a ni a ti a ni.

He Farmers' Meet-ah hian Agriculture Department bakah Line Department dangte

enkawlna hnuaia kuthnathawktu titha zualte tan lawmman (Award) chi hrang hrang

siam a ni a. Lawmman pakhatna atanga pathumna dawngtute chu a hnuaia tarlan ang

hi a ni a. He mi bakah hian lawmman chi hrang hrangahte hian consolation prize mi

panga tan siam vek a ni a. Hmunin a daih loh avangin consolation prize dawngtute

hming erawh chu tarlan a ni lo va, an hriatthiamna pawh kan ngen e.

A. Leilet (WRC)-a lawmman latute:

1. Pu Lalpiandanga, Bilkhawthlir

2. Pi P.C. Lalhlimpuii, Mission

Vengthlang

3. Pu Ran Jani Kumar Chakma,

Borapansuri-II

B. Tlangramto (Jhum)-a lawmman

latute:

1. Pu Lalnunkunga, Chaltlang,

Aizawl

2. Pu Baza, M. Kawnpui

3. Pu Rokunga, Rullam

C. Fu (Sugarcane)-a lawmman latute:

1. Pu Ramnunmawia, Tachhip

2. Pu Nihmunga, Farkawn

3. Pu F. Lalsiamkima, Thingsai

D. Oil Palm-a lawmman latute:

1. Pu Ramtinchawma, Nalzawl

2. Pu Vanlalthawma, Phaizau

3. Pu Zomuansanga, Khamrang

District hrang hrang atanga ATMA

hmalakna hnuaia lawmman latute:

A. Horticulture hnuaia lawmman

latute:

1. Pu Saikhalha, Zamuang

2.PuT.Thanmawia,Zohnuai,

Lunglei

3. Pu Thanchhuma, Bilkhawthlir

B. AH & Vety hnuaia

lawmman latute:

1. Pu C. Chawnghranga, Zobawk,

Lunglei

2. Pu Lalliankunga, Hnahhlan

3. Pu F Lalhmangaiha, Hualngohmun

C. Sericulture hnuaia lawmman

latute:

1. Pi Lawmsiami, Phaileng 'S'

2. Pu C. Thangmawia, Zobawk,

Lunglei

3. Pu J. Lalrintluanga, Saitual

D. Fisheries hnuaia lawmman

latute:

1. Pu Sangliana, Ramhlun 'N', Aizawl

2. Pu Ramthansanga, Darlak

3. Pu R. Lalthlanliana, Aizawl Venglai

E. Soil & Water Conservation hnuaia

lawmawn latute:

1. Pu Tlanghmingthanga, Piler

2. Pu Zoduha, Hriphaw

3. Pu F. Sangkhuma, Bazar Veng,

Lunglei

F. Self Help Group/Society/Co-

operative hnuaia lawm-man latute:

1. Rubber Grower, New Serchhip

2. Centenary Women Turmeric Self

Help Group, Tuisumpui

3. Rubber Growers Association,

West Phaileng.

MITHIAMTE THIL HMUHCHHUAH

(PATHIAN ROPUI NAN)

Khawtinthanga Ralte,

Dinthar Tlang, Aizawl.

Mihringte mamawh buh-bal leh thlai chi hrang hrangte hlawk zawka neih theih

dante he Zoram Loneituah hian pholan a ni ber thin a. He thu hi a pawimawh avang

reng hian sawi tam tawk a awm thei lo. Chutiang chu a nih laiin thil pawimawh

hmasa zawk, siamtu'n leilung pian lai ata tawh mihringte hriselna leh damreina tura

pawimawh tawp leh bul ber (gene) chu nasa taka mihringte mawhphurhna tangkai kan

thawh theih nan tun tum chu thu dang deuh aw! Mi tam takin an dampui tawh,

damdawi, a letling zawnga ei (ka a ei ni lo, ke phah hnuai lama ei) i sawi teh ang.

Hrisel nan a thatna chhan: Lei hian mihring hriselna atana tangkai healthful

electrons an tih hi a nei (pai) a. Heng hi negatively charged electrons a ni a. Kan taksa

hian kan khawl hman thin computer, cellphone, TVs, Microwaves, radio leh wireless

equipments hman leh kan nun dan reng reng avang hian kan taksa pum hian positive

lam kan ni. Kan taksa leh lei a han inkhawih hian negative electrons tam tak chu kan

taksa chhungah khan a lut a. Taksaa positive leh lei negative electrons-te khan taksa

chhungah inbuk tawkna equilibrium - natural balance effects a siam a. Mithiamten

hriselnan leh natna vengtu (immune system) tichak tur leh inflammation (thil pun) tur a

veng an ti.

A tangkaina : Ke lawnga lei kan rahin free electrons an tihte chu kan lei

rahatangin kan taksaah a lut thuai a. Free negative electrons-te khan kan taksaa englai

pawha thil thleng reng oxidation vanga awm, kan taksa tana hlauhawm tak, free radicals-

te hi positive free radical a nih avangin lei kan rah a, kan taksaa negative electron lo

lut te khan positive lo awm kha a han kap siah siah a, ke lawnga kal hian antioxidant

chak tak a siam thei a ni. Free radical an tihte hi natna hrang hrang cancer thlenga

kaichhuaktu bulpui ber a ni. Ke lawnga lei rah hian thisen a tipan thei a, thisen leh a

chakna, a bikin red blood cells, taksa bung hrang hranga boruak tha (oxygen) pudarhtu

a tichak a ni. Kan thil ei thlum leh than te, kan meizuk leh kan taksaa tur (toxins) lut

reng reng hian kan thisen a tihnang (hypercogulable) thei a. Thisen hnang chu a kal

tha thei lova, hei vang hian zeng, stroke leh lungphu chawl neih a awl bik. Hetianga

thisen kal vel a chak chuan, taksa bung hrang hrang mamawh chaw tha (nutrients) leh

oxygen te a phurh darh chak theih avangin natna hrikin hmun khuarna hun a nei

lova hmun khuarna hun a nei lo va, mi an lo hrisel a ni. Thil pawihmawh tak

chu kelawnga kal hian thisen a pan (thin) chak avang hian thisen tihpan nana

Coumadin emaw aspirin eite chuan an Doctor-te rawn a, an ei lai dose tihhniam a

pawimawh thung.

Enchhinna hrang hrang sazua an neihah chuan zunthlum leh Blood sugar pawh a

tihniam thei a ni tih an hmu chhuak. Chubakah hei hian thluaka electric kal vel a

tichak a, hei hian kan thisen thlum a control a ni tih an tarlang bawk. Hnamdang ho

zunthlum leh natna dang vei thin tam takten an practice tawhah tha takin an dampui

hlauh thu tarlan a ni a. Zopa Pu Zairemthanga Sailo, Laipuitlang pawh pheikhawk

bun loa kal fo nachang a hriat hnu chuan a zunthlum vei a dam hmiah a, zunthlum

damdawi tha ber a ni a ti. Chu chauh ni lovin a hriselna dangin a that phah vek tih tarlan

a ni bawk. Hei hi Women's Ministry of Mizo SDA Church-in internet atanga an puan ka

lakchhawn a ni.

Tun hma deuh khan kan taksa leh lei hi indek fo sela hrisel nan a tha tih sawi ka

hre tawh thin. A hnu deuhah Doctor ten ke-a ni tin darkar khat kal a that thu an sawi

bawk. Ke lawnga lei rah emaw (taksa leh lei inkhawih) hi thil thar a ni. Mi tam takah

enchhinin a dik tih mithiamten an pawm, an timing etc. te tar vek turin hmun a awm

lo, thu awih mi chuan zawm a tha e.

Pathianin thlahtu mihring kha leiin a siam a, pheikhawk a siam sak lo. Zofaten

pheikhawk kan bun hma khan cancer leh zunthlum pawh kan hre lo, Pathian hi a va

tha famkim em! Kei ngei pawh Pathianin lei naranah kan dam nan Lalpan engkim a lo

dah tih hre hawt lovin, engmah ni silo khan pheikhawk nen ka lo intek rei ve tawh a,

ka chawh ta hle a nih hi. Zunthlum, Asthma leh kawngnain min tirethei rei ta hle.

Tunah pawh hemi nghawng avang hian ka khum bet leh thin. Ka ziaawm veleh he

damdawi hi ka kein ka ei tan ang.

A hre zawkten han ziak zel teh u.

Lalpa I chawimawi ang u!

o000o

Krishi Vasant 2014 Nagpur

H. Lalmuanpuia,

Kawnpui

India ram hi a lo zau-in mipui an lo tam bawk a ni ang. Union Agriculture

Ministry-in Loneitute intawhkhawmna ropui `Krishi Vasant 2014' a buatsaih tih hre lo eng

emaw zat an awm ngeiin a rinawm. Chu hun hmang tur chuan February ni 9 Pathianni

tlai dar 3:45 khan Lengpui atangin Kolkata panin mi 10 kan chhuak a; a tuk

Thawhtanniah Kolkata atngin `Krishi Vasant 2014' buatsaihna Nagpur (Maharastra

State) pan leh tur kan ni.

Agrilculture Deparment lama kan hotute (ATMA lam bik) khan Krishi Vansant

2014 hi ram chhunga Loneitu intawhkhawmna, thlai thar chi hrang hrang entirsiakna

ni bawk, a zira zir chiang duhte tan mithiam bik thlan chhuahten thupui neia zirtirna

an pekna tur hmun an buatsaih, a lem nena lantirna, Agriculture lama hnathawhna

hmanraw hrang hrang hman dan leh neih dan inzirtirna a ni dawn a; chutah chuan

engkim (Agriculture lam kaihhnawih) a awm kim vek ang an ti a. Tin, Central Sawrkar

pawhin a ngaipawimawh a; an Officer lian leh thuneitu sang zawng zawng chu helai

hmunah hian a tir kim vek dawn a ni tiin min hrilh a. Kan ngaithla reng na-in kan la

mitthla thiam chuang lo. A chhan chu a awmzia kha kan hre tlem ve em a ni.

Tun tumah hian District 8 atangin Agriculture Department chuan mi 8 a thlang

chhuak a; Department Officer 2-in min hruai a. Min kaihruai thiamin experience an lo nei

tha tawh bawk a, a nuam khawp mai.

He huna District hrang hrang aiawha kal te chu-

Aizawl District atangin - Pu Lalbiakkima Durtlang

Thlai chi hrang hrang thar chhuak tha leh hlawhtling

Lunglei District atangin - Pu Lalnuntluanga Ramlaitui khua

Oil Palm chingtu langsar

Saiha District atangin - Tv C. Lalduhsanga Pauthar khua

Leilet siamtu hlawhtling

Kolasib District atangin - Tv H.Lalmuanpuia Kawnpui khua

Thlai chin lama hna la thar mek

Serchhip District atangin - Pu Malsawmsanga Serchhip khua

Leilet siamtu hlawhtling

Champhai District atangin - Tv. Zoramnghaka, Hmunhmeltha khua

Leilet siamtu hlawhtling

Lawngtlai District atangin - V. Chalthuama Rawlbuk khua

Oil Palm chingtu hlawhtling

Mamit District atangin - Tv. Henry Lalmalsawma

Oil Palm chingtu

He hun hmang tura Mizoram State aiawha kal turte hi Pu Lalthansiama Deputy

Director (Extension), ATMA lama kan hotute zinga mi chuan a Office -ah min

kokhawmin Sawrkar tana hlawk taka zin turin min fuih a; kan kalna tur Krishi Vasant

2014 chungchang kan hriat tur ang chi a tlangpui min hrilh bawk a, tluang taka kal

turin min thlah a ni. He Tour-a min hruaitu Pu George Lalthanngura, Asst.Soil

Survey Officer leh Dr. David Malsawmkima, Block Technology Manager, ATMA ten

ruahmanna an siamte kan inhrilhfiah a; engkim an lo duang fel tha hle mai. A bul atanga a

tawp thlengin an ruahman lawkna kha engmah sual palh a awm lo a ni.

Krishi Vasant-ah hian India ram State hrang hrang atangin loneitu nuai 2 chuang

kal tura beisei leh sawm an ni a. Central sawrkarin a ngaipawimawh a ni ang, a bul tanna

pawh President of India meuhin a hmanpui a; eng programme-ah pawh Union Ministry-a

Secretary rual an awm deuh reng a; sawihona leh sawizauna reng reng an kaihruai a ni.

February ni 9-ah an a ni a, ni 13-ah zawh a ni. Mizoram atanga kalte chuan topic ngaithla

tura min tih bik ni 11 (Thawhlehni) programme-ah kan tel a. Mahse thusawi reng reng

hi Hindi vek a nih avangin kan hre miah lo a tih theih a ni. Zawhna leh chhanna hun

pawh Hindi, Marathi, Tamil, etc. in hun bik neiin an siam a, Mizo tawng hman hun a

awm ve lo a, zawhna leh chhanna hun lam kan hmang ve to lo.

He Krishi Vasant hi Central sawrkarin ram puma thlai tharchhuah kan inhmuhpui

nan te, thlai chin dan kan inhriat tawn nan te, ranvulh dan chi hrang hrang leh khawl

hmanga hnathawh dan awlsam zawk leh kan thlai thar te sawngbawl dan kan inhmuhpui

nana siam a ni a. Maharashtra State chuan ATMA hnuaiah Serthlum an thawnchhuak

nasa hle a, La (cotton) pawh an thawnchhuak nasa bawk a, Maharashtra State hian a

thar chhuak viau bawk a ni. Chutiang bawkin West Bengal chuan Jute atanga siam an

phochhuak nasa hle. Tamil Nadu atanga Coffee variety hrang hrang an entir chu a

sawngbawl dan dangdai tak thenkhat nen chiang lehzuala hriat chakawm tak a ni.

Eng nge kan hmuh le :

Kan hmuh tam ber chu vai an ni. Khati ang Programme lian tham khan kan la mitthla

ngai lo bawk a, kan zin chhan ber aiin a hmuhnawmna lam rilruah a lian zawk.

Mak ka tih deuh mai chu, mi State Loneitute chuan an thil chin chu hriat chian

lehzual an chak em em mai a, zawhna an zawt dilchhut peih a, an thlai chinnaa harsatna

an neihte pawh mithiam biakrawn theih an hnaih lai changchawiin hun an inchuh a ni

deuh ber mai. Keini kal ve kha ka insit asin aw..... Thlai rah tha deuh leh itawm deuh,

thlai kung tha deuh te entir turin an lo dah chhuak a, hmuhnawm kan ti a, kan awt ve

khawp mai. Mahse chutiang tak ni thei tur chuan engtin nge an enkawl ang? tih te, eng

anga sawngbawl tur nge tih lam hriat kan tum tlem deuh hlawm a; chungho ai chuan kan

lo / huana kan enkawl dan kha tha tawkah kan la ngai emaw ni dawn aw tiin ka ngaihtuah

vang vang a ni.

Ka zuk hmuh leh pakhat chu State thenkhat chuan an thlai thar chhuah hralh

tura an buatsaih dan hi a ni. Mit la thei ang ber tur te, itawm thei ang ber tur te, that

hmel em emin an buatsaih a; an dah chhuahte pawh a itawm bik a ni. Keinin kan thil

zawrh vete chu tuaihnum deuh leh tih itawm deuh awm lova kan phurh haw ang anga

kan zuar chuan Market lamah harsatna min siamsak thin ngeiin kan rin phah to a, kan

thlai thar sawngbawl dan a inthlau hlein ka hria.

An to / huan kan va hmuh pui vek lo na'in zawhna an zawh chik em em danah

mithiamte sawi leh hrilh angin an thlai chin an enkawl ni ngei turah ka ngai. Keini lam

chuan mithiamte sawi aiin thenawmpa sawi kan ring zawk a, Department hotute sawi

chu '.....a hmuna enkawltu an ni lo a, a tak tak chu an hre bik tih tanchhanin kan

pawmsak vek to a; zirtirna min pek chang pawhin zawh belh tur kan hre ngai lo. A

chhan chu an sawi aiin kan tawnhriat kan dahsan zawk tlat vang a ni. State danga

loneitu tam zawk chuan mithiamte ruahmanna an dah sang khawp mai.

Ka inchhir lek lek :

Khatiang taka thil lian tham leh chi kim, loneitute tana engkim awmna hmuna

kal tur leh mithiamten kan hriat loh an hlauh em emna hmuna kal tur kan nih kha

kimchang takin hrelawk ila chuan Zoram mipui thlir theih tura Video Camera tha

tawk lo ken awm tak ka ti rilru a, ka inchhir lek lek a ni. Keini lah chu mi 10 chauh

kan ni si a, kan pudarh seng dawn lo khawp mai lehnghal.

Mizorama kan thlai tharchhuah ve thenkhat Buh, Sawhthing, Aieng leh thlai

dang enkawl dan pawh chi hrang a awm nual a. Chumi piah lamah Ranvulh leh

Sangha khawi lamte pawh State hrang hrang tih dan inang lo a awm nual bawk. Kan

rama kan thlai chin ang tho thenkhat chu keini enkawl dan nena inang lo a awm a,

keini ai chuan an thar chhuak tam zawk tlat mai a, keimahni ang bawka tlangrama

chingtute pawhin an thar hlawk zawk slat a ni. Chu tak chu an awhawm em em bikna a

nih ka ring.

Krismas laia Aizawl bazar tawt ang mai hian mi an tam a, Mi nuai 2 lek chu an ni lo

tawp ang, a hmunhma a zau em em a, khawi laiah pawh khan kawngpui lianpui pui kha a

tawt em em reng a, kha Thingtlang khua, Krishi Vasant..... khua kha chu mipui hlirin

kan khat tlat a ni mai.

Exhibition Hall lian deuh deuh pahnih a awm a, Conference Hall lian tak 2 an siam

bawk a; Exhibition hall chhung chu englai pawhin a tawt em em reng. Mit-la deuh han

din chilh dawn pawhin min nawr kal zel tho a, Selesih Vety College-a Professor 3 ten

Mizoram thil hrang hrang an lo pho chhuah ve pawh thla han laksak hram kan turn na-in

kal chunga hmeh loh chuan din theih a ni lo. An thil phochhuah zingah chuan Buhban

(Tai Sanghar) tih leh Mizo Thingpuife tih chu ka va chhiar hman a, kal chungin kan

inchibai lawp lawp a, kan duh tawk ta mai.

Hemi hnu hian Krishi Vasant thlalak hrang hrang Internet lama- tar chhuahah Mizo

Cheraw kan thlalakte a lo awm ve a, an kal ve tih pawh kan hre lo a; chutiangin Show an

nei tih pawh Mizoram-a kan thlen leh hnuin kan hre chauh a ni. Chutiang deuh chuan

Mizoram Industry Department Joint Director hovin Bamboo Development Agency-ten Mau

hmanga thil siam hrang hrang an entir ve a; chu pawh chu kan haw lam-ah Kolkata

Mizoram House ah kan inhmu a; an kal ve tih kan hre chauh bawk. Mi Nuai 2 vel zet

pungkhawm chu a hahthlak dan a dang. Kan kalpui, Pa Thuama chuan In lama an Nu a

biakna-ah `Khawvel mihring zawng zawng hi helai hmunah hian an lo kalkhawm emaw

tih mai tur a ni...' tiin kan tam zia a hrilh.

OIL PALM HERNA KHAWL BUKVANNEI

TLAWH CHUNGCHANG

Ramtinchawma

Oil Palm Farmer,

Nalzawl, Mamit District.

Oil Palm phuntu leh enkawl mekten phur tak leh thatho taka Oil Palm te kan

enkawl beiseiin Oil Palm hriak sawrna/herna khawl, Bukvannei. Kolasib District-a mi kan

zuk tlawh chungchang han ziah lan ve hi thain ka hria a, kimchang lo takin ka han ziak

ve a ni e.

Kan DAO, Mamit, Pu L.V. Zomuana'n min finchhuah azarah Oil Palm Zonal

Committee, Mamit District-in Oil Palm hriak sawrna hmunte farmer-ten tlawh ni se tiin

rel a ni a. Chutia rel a nih ang chuan hetiang hian khaw hrang hrang atangin a kal tur

farmer-te thlan kan ni a. Hetiangin-

1) Kawrtethawveng 2 nos.

2) Tuidam 5 nos.

3) Darlak 2 nos.

4) Nalzawl 5 nos.

5) Mamit 3 nos.

6) Phaizau 2 nos.

Tin, Bukvanneia kal hun atan hian ni 05.03.2014 (Nilaini) ruat a ni bawk a ni.

A kal hun tur ni a lo thlen chuan kan DAO-in Mamit atangin Kawrtethawveng,

Tuidam leh Darlak farmer-te lam turin Motor (Sumo) pakhat a tir a, keini Nalzawl

farmer-te min rawn lam turin Sumo pakhat a rawn tir bawk a. Tichuan Dar 8:30 am-ah

DAO Office, Mamit tualzawl kan thleng a, Mamit leh Phaizau atanga farmers kal turte

pawh an lo awm tawh a. Kan DAO chuan farmer te min zuk hruai tur leh kan senso hrang

hrangte min ngaihtuahsak turin ATMA atangin nula fel tak tak, Lalnunpuii leh Lalrinsangi

te a lo ruahman a. Anni ho chuan Bukvannei panin zing dar 9:00 velah Mamit kan

chhuahsan a. Tichuan tluang takin Bairabi kan thleng a, tah chuan tukthuan te eiin, kan

eikham chuan Bukvannei panin kan chhuak leh ta a, minute 45 vel kan tlan leh hnu chuan

Oil Palm herna tur khawl Godrej Agrovet Ltd. in an lo dinna hmun Bukvannei chu kan

thleng ta a.

A hmun kan thlen a, motor atanga kan chhuk veleh Godrej Agrovet Ltd. a

thawkten min lo lawm a, kan kal tur thu hi DAO, Mamit-in a lo hrilhlawk vek bawk a,

anni chuan min hruaiin, a khawl chanchin min kawhhmuh tur tawng thiam an lo ruat

lawk vek a. Ani chuan chipchiar takin a khawlin Oil Palm rah Fresh Fruit Bunch

(FFB) a her dan tur leh a hmunhma an siam dante min kawhhmuhin min hrilh a, a

khawl kan han hmuh chuan kan rin aiin a ropuiin a senso pawh a hautak hle a ni tih a

hriat theih mai a, Oil Palm rah herna khawl tak phei chu han sawifiah thiam mai theih

pawh a ni lo va, mita hmuhin a fiah a ni ti ila a ni ber mai. Chutianga khawl ropui leh

rit han bunna tur chuan a dahna tur lei a lo ngheh tawk loh avanga lung phah nasat a

ngaihdan leh Electric Current (Power) a awm loh pawha an khawl lian tak mai tluang

taka tiche tur Generator lian tak an dah te han hmuh meuh chuan Godrej Agrovet Ltd.

te hian an lo ti mai mai lo va, Oil Palm rah (FFB) te hi her ngei an tum tih a tilang chiang

hle a ni.

An khawl hmun luh tantirhah, FFB motor-in a phurh a, motor chawpa bukna tur

pawh an siam thlap a ni. Tichuan darkar 2 vel kan awm hnuin thingpuite kan in a, kan

haw chho ta a. Kan haw pah chuan Godrej Agrovet Ltd. in Oil Palm Nursery Saihapuia

an siam chu kan en chho nghal a, ruahtuite a la tla ho bawk a, an Oil Palm Nursery chu

kan beisei ang chuan a tha lem lo. Chuta tang chuan Bairabi kan pan leh ta a, zanriah

chaw te Bairabi-ah hian kan ei leh a, tichuan Mamit kan pan leh ta a ni. Mamit kan

thlen hian Field Veng-ah DAO, Mamit-in min lo hmuak a, anin kan khua theuha min

thlah leh turin kan chuanna motor chu a hrilh a. Tichuan mahni khua theuh tluang

takin kan thleng leh ta a ni.

Oil Palm herna khawl zuk tlawhtute hi Oil Palm huan nei vek kan ni a, Oil Palm

rah (FFB) herna khawl kan zuk hmu chu a ropui kan tiin, kan Oil Palm phunte hi a

tawl mai dawn lo a ni tih kan hriat chian avangin kan phur hawin kan hlim tlang

khawp mai. Kan sorkarin kuthnathawka eizawngte min chawikan an turn mek lai leh

kan Agriculture Department-ten thahnemngai taka Oil Palm phun tawh leh phun

turte min buaipui lai hian kuthnathawka eizawngtute hian eizawnna ngelnghet Oil

Palm chin hi uar sauh sauh ila, chawmhlawm State kan nihna lak ata kan chhuah

theihna tur pawimawh tak a ni ngei ang. A tawp berah chuan kan DAO, Mamit leh a

thawhpuite lakah keini Oil Palm hriak herna khawl zuk tlawhtu zawng zawngte hian

thinlung takin lawmthu kan sawi a ni.

DIRECTOR HOA KHAWTHLANG ZIN THU

R.K.Nithanga, MAS

Deputy Director (Oil Palm)

Agriculture Director, Dr. C. LalzarIiana hoin hun chep tak karah Mizoram

hmarthlang, Mamit District huamchhunga W. Phaileng leh a chheh vel khua leh ram te

tlawhin 2nd & 3rd June, 2014 khan kan zin a, a hlim thlak hle.

Ni 2.6.2014 zing dar 9:30-ah Director room-ah Officer-ho nen meeting kan han

nei te te a, dar 10:30-ah W Phaileng lam panin Aizawl kan chhuahsan a, Director hi

Pu Tlangtimawia Zote, Technical Officer to Director nen kan tawiawm a ni.

Rawpuichhip-ah thingpui kan in zawk a, tluang takin chawhnu dar 2:00-ah W.Phaileng

kan thleng a, Mamit DAO, Pu L.V. Zomuana leh W. Phaileng AEO, Pu Tomy M.S.

Dawngliana leh an hoten min lo nghak reng tawh a. Rei lote lunch te eia kan chawlh

hnuin Vengtu security te nen Saithah panin kan tlan leh ta a.

SAITHAH : Saithah-ah hian ruahsur hnuaiah VCP Pu Zahranga hoin VC

member te leh pa 20 rualin min lo hmuak a. Saithah-ah hian chhungkaw 28-in

Sarzukzawl-ah 2007 atang khan Oil Palm hi an lo ching tawh a, tin, RKVY hnuaiah land

development pawh Tuikualzau, Dilzawl leh Sarzukzau-ah te thawh a ni bawk a. Oil Palm

hmun nei tha deuhte chu Pu Sangkhuma - kung 750, Pu Tumpanga — kung 600, Pu

Ramdina — kung 500, Pu Lalremruata — kung 400 nei te an ni. A rah (FFB) pawh an

hralh an ve tawh a ni. Khua a tlai tawh avang leh ruahsur leh chhum avang tein an

hmalakna kan thlirpui thei ta lo va, tlai dar 5:00 thleng thusawi leh inkawmhona te

kan neih hnuin Phuldungsei kan pan leh ta a.

PHULDUNGSEI : Phuldungsei-ah hian Oil Palm ching mek chhungkaw 100

vel lai an lo awm a, Vengthar atangin chhungkaw 60 leh Mar zau Compact area-ah

chhungkaw 40 an ni. VCP Pu Sailuta kawtah Oil Palm chingtu nu leh pa 50 dawn

laiin chaw ei lovin min lo la nghak a, VCP inah thukhawm nghalin Oil Palm chin

kawnga hriattur tul te ka sawi zawhin Director-in fuihna thu leh thu tha tak tak a sawi a,

zawhna leh chhanna te neih nghal a ni bawk. Phuldungseia Oil Palm Compact area hi

Mar zau a ni a, khawhnuai, chhuahlam Km 5 vela hla, kawng mumal la awm lo,

mihring kea kal theihna chauh a ni a, kawng tha an mamawh thu Director hnenah

hian an lo thlen nghe nghe a ni. Mar zaua Oil-Palm chinna hmun hi Agriculture staff

tuman kan lo la tlawhsak lo va, remchang hmasa bera bialtu DAO/AEO ten lo tlawh tur

leh report kimchang pe turin Director hian a chah nghal a ni. Phuldungseia Oil Palm

ching tam deuhte chu Pu Sailuta — kung 750, Pu Sangliana — kung 350, Pu

Vanlalruata — kung 350, Pu Ramngheta — kung 350 te an ni. Oil Palm chingtu mi 37 te

chu an hnathawhnaa hman atan Director hian Bawngtuthlawh (Kelchuang) a pe vek a,

Loneitute an lawm hle. Zan dar 6:30-ah Phuldungsei chhuahsanin W. Phaileng

Agriculture Complex chu zan dar 9.00-ah kan thleng leh a, zanriah te eiin kan riak

nghal a. A tuk ni 3.6.2014 zing dar 5:00-ah thovin, Salem Boarding leh Zawltezau-a

Oil Palm a huhoa an chinna en turin dar 6:00 am-ah kan inzui chhuak leh ta a.

SALEM BOARDING : Salem Boarding Headmaster Pu Hruaia leh a nupui

Pi Ate-i ten an Quarters ah thingpui min lo lum a, an hma thar lak Higher Secondary

School Building sak mek te kan tlawh a. Salem Boarding hmunah hian Agriculture

worker te awmin Oil Palm pawh kung 500 lai an to phun ve a ni.

ZAWLTE ZAU : Salem Boarding bul maiah hian chhungkaw 36-in a

huhova Oil Palm an chinna hmun Zawltezau kan tlawh leh a, hmun rem leh zawl rai

tha tak mai a ni a, Oil Palm chinna atana duhthusam a ni awm e. Tui erawh chu hla

deuh hleka mi pawh ngai leh lui tui hnaivai deuha mi pump chhuah ngai a ni. A hmun

sang lai deuhah hian kan Department-in tuikhuah an lo siam zo fel chiah bawk. Helai

zauah hian Sangha a la tam avangin a ven nan mau phelin vau hrul leh kawngkamte an

hung bakah Oil Palm kung mal pawh engemaw zat an hung a, hei hian Sanghal a veng

hle niin an sawi. Oil Palm chingtu leh he laia sulsutu Pu Thangseia chuan, "Kan pi leh

pute pawh khan sanghal hlauhah perngote an lo kaih thin a, chuvangin mauphela Oil

Palm kan hung hi Sanghalin a tit phah hlein kan hria, helai ramah hian Serthlum te,

Kawlthei te, Kuhva te ka lo ching tawh thin a, a thartcan chauha min tam san leh mai

thin a. Tunah hian Oil Palm hi ka han ching leh ta a, hei hi chu tha hle turah ka ngaih

avangin ka thihchilh thak dawn a ni," a ti. Kawng tha erawh an mamawh hle. An

mamawhte hi Director hnenah an lo thlen a, Director chuan mi taima leh tih takzeta

thawktute chu sorkarin a tul ang zelin a ngaihtuah dawn a, chutiang mi tan chuan

kawng pawh a awm zel a ni a ti. Zawltezauah hian kumina phun thar turin Oil Palm

seedling engemaw zat phurh thlen tawh a ni a, an phun thar mek bawk a ni. Zawltezau

hruaitute buatsaihin thlamah chaw puar takin kan ei a, W. Phailengah chho lehin,

Phaileng atang hian ATMA lama nulahote, Cable TV operator te, Soloist-ten min to

zawm a, kokim zawkin Damparengpui kan pan leh ta a ni.

DAMPARENGPUI : Damparengpui kan thlen hian VC te leh khawtlang

Nu leh paten min lo hmuak a, chawl khawmuang lovin khawhnuaia Oil Palm chinna

SIHZAU kein kan pan nghal a. Helai hmun kan tlawh hian min tihlim hle mai.

Khawtlang hruaituten nikum 2013 atang khan he Sihzau hmun rem tak mai in 500

hmun zet mai hi Oil Palm chin nan an lo ruahman a. Nikum khan tin 300 hmun vatin

Oil Palm kung 9850 lai an lo phun a ni. He Oil Palm hmun hi khawtlang ta a ni a, a

tul ang zelin hnatlang te koin a remchan dan angin NREGA (ni 100 inhlawhna) te

pawh helai hmun atan hian an hmang tangkai hie a ni. Tunah hian kum khata upa

chauh a la nih avangin a hautak lai tak a la ni a, chuti chungin in 300 hmun hi an sam

fai vek a, fur a lo intan avangin hnim erawh a chak hle. Hetianga hmun khata Oil Palm

heti zat chin hi Mizoram hmun dangah a la awm lo niin a lang a, kan Director pawn

ropui a tiin a lawm hle a, a theih ang anga tanpui zel theih a beisei thu pawh a sawi a,

an hnatlang thingpui lum nan Rs.5000/- a pe nghe nghe a ni. Khawtlang hruaitute chuan

"Sihphir sawia Iskut a lo lang mai ang hian Damparengpui sawia Oil Palm lo lang ve

mai turin hmalak kan tum a ni" an ti.

Sihzaua Oil Palm chinna te kan tlawh hnuin BNRGSK Hall-ah Oil Palm ching

hlawhtling te interview film chhuah a ni a, Oil Palm chin chungchanga hriattur tul

leh zir ngaite zirhoin Training neih nghal a ni.

Damparengpui khawtlang hmalakna chungchangah hian Project Director, DRDA,

Mamit leh Aizawla RD lam hotu thenkhatte biak pawh nghal an ni a, hetianga kan

Scheme neih hrang hrangte inhmantawm (Converge) thiam a tul thu leh pawimawh

dangte sawiho a ni. Heng Rural Development scheme NREGA, IWMP, etc. te hi Oil

Palm Development Programme nena kan thawhho thiam zel chuan hlawhtlinna chance

pawh a sang deuh ngei ang. Hetianga hmalak remchanna khua apiangah Damparengpui

method hi hmang thei ila a duhawm hle.

Agriculture Department hmalakna hrang hrang kan hmuhte leh thawktu leh

helai bialtu Pu Tomy-a hnathawh that dan te hlim leh lawm taka mitthla reng chungin

zan dar 8.30 khan dam tak leh tluang takin Aizawl kan rawn thleng chho leh ta a ni.

DAO, Mamit leh a staff te leh Loneitu

min

lo dawngsawngtu zawng zawng chungah

zinte aiawhin lawmthu ka sawi e. ■

MIZORAMA OILPALM CHIN KAWNGA HARSATNA LEH

A SUTKLAN DAN

C. Lalnithanga, MAS

Asst. Plant Protection Officer,

Directorate of Agriculture (CH),

Aizawl, Mizoram.

Kumin 2014 January atanga June thleng hian Mizorama Oilpalm chinna hmun

thenkhat ka tlawh a, ka tlawh khuate chu hengte hi a ni:-

Aizawl District

Zanlawn, Kawnpui, Hortoki, Buangpui, Buhchang,

Phaipheng, Phaisen.

Serchhip District

Falkawn, Muallungthu, Phulpui, Sialsuk, Sailam.

Kolasib District

Thenzawl,Buangpui,Serchhip,Keitum,Bungtlang,

Khawlailung, Chhiahtlang, Khumtung.

Lawngtlai District

Lower Saikah.

Heng khuaa Oilpalm chinna hmunte hi ka hman zat zat ka tlawh a, motor kal

thlen theihna hmun a tlem zawk avangin thui tak tak leh inkarkik tak takah kal a ngai

a, ni khatah hian Oilpalm hmun tlawh tam a har khawp mai. Oilpalm chingtute an

Oilpalm hmun ngeiah biain an harsatnate kan zawt a, sawi tur an ngah tlang hle. Heng

khua leh Oilpalm hmun ka tlawh atanga Mizorama Oilpalm chingtute harsatna langsar

zualte chu hengte hi a ni.

1. Oilpalm tiak a rit : Oilpalm tiak (seedling) pakhat, hnah 13 nei tling lo

pawh hi a tona polypot a len tham avang hian paikawng/paiem pakhatah pakhat chiah

a leng a, mi pakhat phur tawk chu a ni mai. Oilpalm tiak a rih em avang hian loneitu

thenkhat Oilpalm hmun chu motor kal theihna kawngpui atangin a hla deuh a, kawng

awmsa a awm loh avang leh Oilpalm hmun tam zawk chu ram rem lo, kal harsa tak a

nih avangin kangvara Oilpalm tiak phurh luh a hautak hle.

Hei vang hian loneitu tam takin Oilpalm tiak chu a polypot atangin a rukin an

pawt phawi a, zangkhai takin Oilpalm hmunah an phur lut thin a ni. Hei vang hian

Oilpalm phun thar tam tak chu a chawrche a, thal laia tui pek tur awm lo nen, fertilizer

pek tur awm lo nen, ran ek pek tur awm lo bawk nen, beisei angin a thang tha lo va,

beisei angin a thang chak lo a ni. Loneitu tam tak chuan an Oilpalm that loh chhan

chik taka han zawhin a phun hun laiin polypot a lei nen an phun loh thu a tawpah

hreh takin an sawi leh nge nge thin. Hetianga Oilpalm tiak phun hi thlasik lai leh

nipui lai chuan a thang mawh hle a ni.

2. Fertilizer an pe lo : Oi1palm chinna hmun ka tlawh zinga, loneitute hian an

Oilpalm chu fertilizer eng chi mah an pe lo tlang pui, Oilpalm hian zung pui a nei lo

va, balhla ang hian lei chung pawn lang laiah a zung hraw tak tak chu a kung hual

velin a zam darh a, a hnah a lianin a sei bawk a, hei vang hian fertilizer hi a mamawh

tam em em a ni. A tiak phun lai atangin kum tin fertilizer pek tur a nih lai hian loneitu

tam ber chuan fertilizer an pe thei lo a ni, an chhuanlam pui deuh deuh te chu :-

Fertilizer leina tur pawisa an nei lo va, loneitu khawsa thei deuh pawhin fertilizer lei

tur an hmu mai lo va, a leina tur hmun an hre lo bawk a ni. Loneitu tam zawk chu

khawsak harsa ve tak tak an ni a, athlawna fertilizer an dawng a nih loh chuan fertilizer

pek tur an nei ngai dawn lo a ang khawp mai. Hmun thenkhatah chuan fertilizer an

dawn ang ang pawh lo hralh ru duh an awm leh zel niin an sawi bawk.

3. Ran ek (Manures) an pe lo : Oilpalm hian ran ek leh hnimtawih hi an

ngeih em em a ni:Ran ek kan tih ber chu Bawng ek, vawk ek, kel ek, leh ar ek te hi a

ni. Mizorama Oilpalm chingtu tam ber hian ran ek an neih ang ang pawh an Oilpalm

phun tharah an pe lo hrim hrim a ni. Fertilizer leina nei zo lo pawhin ran ek tal chu an

Oilpalm phun tharah pe thei sela a thatpui dawn hle a ni. Fertilizer leh ran ek pek that

chuan thlasik lai leh thal laiin tui pe thei lo mahse Oilpalm chuan a that phahin a din

chan theih phah dawn a ni. Ran ek hi leia thlaichaw siamtu pui ber, mit lawnga hmuh

tham loh, hrik tangkai tak tak (Micro-organisms) chaw tha a ni a, an lo inthlah punga

Oilpalm tan chaw tha an siamsak a, tichuan Oilpalm-in a lo that phah thin a ni. Mi tam

ber chuan hetianga ran ek hi Oilpalm kan pek chuan ran ek tui hang kha hip dawk

dawk turah kan ngai, nimahsela Oilpalm chuan inorganic form-in chaw a la si a,

chutianga ran ek kan pek chu Oilpalm chuan a hman tangkai theih nan kan sawi tak

hrik tangkai hoin an tihdanglam hunah chauh a chhawr tangkai thei a ni.

4. A hmun a darhsarh : Oilpalm chinna hmun tam ber chu a bing te te

deuh vek a ni a, a darhsarh hle bawk. Mithiamte duh dan anga bawh mual bik neia

zau au taka inria Oilpalm hmun hi neih tur a ni a, tichuan Oilpalm rah theih nana a pa

chi kengtu tuaingawt te (pollinating weevils) pawh awlsam takin a inthlah pung anga,

kumtluanin chhuah thar zel ngai lovin Oilpalm chinna hmun zau tak (compact area)-

ah chuan tuaingawtte chu a lo inthlahpung thei dawn a ni. Amaherawh chu Mizorama

Oilpalm chinna hmun tam ber chu a bing te te a ni hlawm si a ni.

5. A hmun a awih : Oilpalm chinna hmun tam ber chu awihtlan a ni deuh vek

a, a then lai phei chu awih tak tak a ni nghe nghe a ni. A rah bawr (FFB) lawh hunah

pawh mualmawng lamah a lum bo mai ang tih hlauhawm khawpa awih lai te pawh a

awm a ni.

6. Hlothlawh a harsa :- Kan hriat theuh angin Oilpalm kung inhlat zawng chu 30ft

a ni tur a ni. Hetianga inhlata phun chuan kum 5 a tlin hma chuan Oilpalm hmun chu

bik takin fur laiin thlawh fai reng a ngai a, Pahmei khawsak harsa deuh tan phei chuan

hlothlawh hi a hautak em em a ni. Loneitute tha chhawkna atan hnimtur (Herbicides)

duh thala hman tur athlawna pek a harsa a, loneitu tam ber chuan an lei thei lo bawk a

ni.

7. Kawngpui atangin a hla :- Oilpalm chingtu tam zawkte huan ram chu

kawngpui atangin a hla a, motor kal theih si loh, kawng thui tak zawh a ngai a,

Oilpalm tiak phurh luh pawh a buaithlak hle a ni. Oilpalm rah bawr seng hunah pawh

a phurh chhuahna a chhuk chhoin a hahthlak hle dawn a ni.

8. Tui a harsa : Oilpalm chuan tui a mamawh tam tih chu loneitute hian an

hre chiang tawh khawp mai. Amaherawh chu tui mamawh hun lai tak, thlasik leh thal lai

hian Oilpalm chingtu tam ber chuan tui pek tur an nei lo. Oilpalm chinna hmun

pakhatah chuan vanneihthlak takin tui zem lianah Oilpalm chingtute tan tui an lak

khawl saka, tuizemah chuan tui a liam zawih zawih reng a, mahse chu tuizem awmna

hmuna Oilpalm chingtute chuan thallai hian an Oilpalm chu tui pek nachang an hre lo

nge, an pe lo hrim hrim kha a mak hle tih mai loh chu sawi ngaihna awm lo. Training naah

tui pek pawimawhzia kan sawi chamchi a, a pawimawhna zawng an hriat ngei a rinawm

si a ni.

9. A zik thi an ngaihven lo: Oilpalm chingtute chuan an ngaihven ber chu

an phak tawk ang anga a hmun thlawh fai hi a ni. Thei leh thlai dang ang bawkin

Oilpalm hian natna chi hrang hrang a kaiin a vei thei ve tho a, a bikin Mizorama

Oilpalm an chin tantirh atanga natna lar ber chu a zik thi (Bud rot) hi a ni. Oilpalm

phun hlim atanga a rah seng theih khawpa lian tawh thlengin a zik thi hi hmuh tur a

awm. Training naah a zik thi enkawl dan kan hrilh mawlh mawlh chung pawhin

loneitute chuan an ngaihveti tha tawk lo.

10. Bui, Sakuh leh Sanghalin an ei nasa :- Mizoram pumah Oilpalm eichhetu lar ber

chu Bui, Sakuh leh Sanghal te hi a ni. Bui tur (celphos) an nei tam tawk lo va, hei vang

hian bui hi loneitute harsatna thlentu chimawm tak a ni. Sakuh leh sanghal pawh hi

bui ang thova loneitute tan harsatna thlentu anni bawk. Hmun thenkhatah phei chuan

sanghal hian Oilpalm kung mai bakah a ban phak china Oilpalm rah pawh a la ei duh

zel. Thehlei leh sazu pawhin Oilpalm rah hmin an ei duh bawk. Loneitute chuan Drip

Irrigation atana Pipe chi hrang hrang ai hian Bui, Sakuh leh Sanghal laka Oilpalm ven

nan hian thirlen khauh tha tak mai hi Oilpalm hung nan mamawh zawkin an insawi a ni.

Harsatna sutkian dan kawng hrang te :-

1. Oilpalm hmun hi hnathawktu awm tam dan azirin a zimin a zau tur a ni.

Hnathawktu tlemna chhungkua chuan a bul tan nan 1 Ha a zau siam phawt sela.

Lo hal hnuah Oilpalm phunna tur chu 30ft-a inhlatin chhinchhiah vek sela,

polypot leng tur tawkin a khur lai lawk vek sela, tichuan Oilpalm tiak an mamawh

zat chiah bul 143 chu kumkhatna atan uluk takin phun phawt sela tichuan an

inhuam dan azirin kum tharah Oilpalm hmun chu zauh zel sela Oilpalm tiak

pawh polypot lei nen phun ngei sela, a hnu kum 50 lo awm tur atan loneitu chu a

inchhir dawn lo a ni.

2. Oilpalm chingtu chuan Fertilizer a dawn ang ang chu kum tin Oilpalm pe ngei

sela, a thlawna dawn tur a awm lo a nih pawhin a pawisa neih ang angin fertilizer

chu lei hram hram sela, a bikin lei hnawn lai- fur lai hian pe ngei bawk sela a

thatna teltu chu amah bawk a la ni dawn a ni.Bawng ek, vawk ek, kel ek, leh ar

ek te hi cement bag leh polythene bagah te dahin tawn phui tlat ila, in hnuai

hulah dah ila, thla thum hnuah chuan alo tawih/mawih vek anga, a lo zang sawt

bawk anga tichuan fur laiin zangkhai tein Oilpalm hmunah an phur lut anga, bul

tinah thum khat lek lek pawh pe ila Oilpalm hian a thatpui hle dawn bawk a ni.

3. Oi1palm kung hual velin a theih ang angin half-moon terrace laih hram ni sela a

bik takin fur lai hian lei a hnip a, laih a awl bik a, fertilizer leh ran ek pek dawn

pawhin a remchang bik em em a ni. A rah seng hunah a tangkai lehzual dawn.

4. Oilpalm phun atanga kum 5 chhung chu Oilpalm hmunah hian sum chang thlai

chi hrang hrang chin tur a ni. Keitum leh Bungtlanga loneitute chuan Oilpalm

hmunah hian Lakhuihthei an ching a, an chhawr tangkai em em a ni. Bui, Sakuh

leh Sanghal pawh a nghal lo bik a ni. Phulpuia loneitute chuan Oilpalm hmunah

Fu an ching a, an hlawkpui em em a, Oilpalm pawhin fu zar hlim chu an ngeih hle

a ni tih a lanna chu fu kara Oilpalm phun thar chu thalvaekchar lai pawhin a

hring duah hlap bik a ni.

5. Kan sawi tak ang khan Mizoram pumah thal laiin tui pek tur a awm meuh lo a ni,

chuvangin fur laia ran ek leh fertilizer pek that chuan Oilpalm hian that khawro

pawh a tuar thei nge nge a ni. Abik takin fertilizer zingah Potassium tlachham hi

Mizoram pumah hmuh tur a tam ber a, Oilpalm hnah chu a hring leh engin a de

chuai hlawm a ni. Hei mai bakah hian Boron tlakchham vanga a hnah chuar-

hmuh tur a awm zauh zauh bawk. Chuvangin loneitute chuan kum tin an Oilpalm

chu MOP pe ziah thei se an thatpui ngei ang.

6. Oilpalm hmuna an feh apiangin loneitute chuan chik takin an Oilpalm chu en

sela, a zik thi leh tliak a awm em tih ngun takin thlithlai sela. A zik thi leh tliak an

hmuh apiang chu dim tein tan sela, a hnuah natna damdawi, training naa uar

taka kah tur kan sawi thin — Carbendazim (Bavistin/Rustone) @ 2 gm, tui llit

chawhpawlhin kap sela a theih phei chuan thla tin fur laiin vawikhat tal chu a

hrisel nan kap vek sela, an thatpui ngei ang. A kahna bur nei remchang lo pawhin

kahchik siamin kap hram hram sela, a zik chauh kah kha a tawk mai. A chhan

chu Oilpalm hrisel pangngai chuan thla tin hnah thar pakhat a chhuah anga, a

kung lian tawh phei chuan thla tin hnah thar pakhat leh a rah bawr khat a chhuah

ziah tura ngaih a ni.

7. Bui, Sakuh, Sanghal leh Sazu lakah Oilpalm chu a theih ang anga yen tur a ni. Pu

C.Lalthlamuana, Deputy Director (Soil Survey) chuan hian a neitu thlantui far

hi a ngeih ber' a ti a, awmzia a nei thui hle mai. Kumtluana a neitute Oilpalm

hmuna an riaha, an chet tlat na na na chuan Bui, Sakuh, Sanghal leh Sazu lakah

Oilpalm chu a him bik nge nge a ni.

Tunah chuan Godrej Agrovet (Ltd) chuan Bukvannei, Kolasib District-ah Oilpalm

hriak sawrna khawl a bun fel ta. Oilpalm hralhna kawng zau takin a inhawng ta,

Pa taima apiangin Oilpalm chin hi an hlawkpui tan ta, chumi zinga tel tur chuan

loneitute tan lak sauh sauh a hun ta hle a ni.

o000o

CRITICAL PERIOD IN AGRICULTURE

(AGRICULTURE-IN HUN HARSA A TAWH LAI )

R. Lalrinawma, MAS

Agriculture Extension Officer,

Plant Quarantine Station,

Indo-Myanmar Border Trade Centre, Zokhawthar.

Kan sawi fo tawh angin Agriculture hi mihringte eizawnna zinga upa ber pawl a nih

ang bawkin thil thar leh tawngkam thar pawh a piang chhuak ve zel a. Thlai enkawltuin a

hun taka a nih dan tur ang taka chet a lak loh avanga siam that leh theih tawh loh khawpa

thlaiin a nihphung tur a hloh a, a thar a dakhniam thinna dan hi 'Critical Period in

Agriculture (Agriculture-in hun harsa a tawh lai)' chu a ni.

Thlai hrang hrang hian Critical Period hrang hrang an nei theuh hlawm nachungin

thlai nawlpuiina an intawm theih chauh lo tarlang ila.

1. Chawtha : Leilungah hian thlai mamawh chawtha chi hrang hrang awm bawk

mah se, thlai mamawh tawk, a hun taka ei mai tur a awm loh chuan chaw

khawpkham loh avanga harsatna (Nutritional Disorders) a lo awm thin.

A pumpelh dan : Thlai chin/phunsawn hma thla khatah leilung

sawngbawl laiin a dose dik taka leiah thlai chaw lo dah lawk thin tur a ni a, lei a

thur viau chuan chinai thi (slaked lime) hman tel ngei tur a ni. Dan naranin thlai an

thanduah leh a par leh rah insiam hun lai hian chaw tha an mamawh tam.

2. Sik leh Sa : Ruahtui tuar thei tak thlai an awm laiin thenkhat chuan ruahtui an

tuar thei lo va, an boruak/nisa duh zawng, a hun takah an hmuh loh chuan a par/rah

insiamnaah nghawng tha lo a neiin a thar a tlahniam thin.

A pumpelh dan : Kan thlai chinna tur hmun hian eng ang sik leh sa nge

a neih a, chuta chin chi chu eng thlai nge, eng tik huna chin tur nge, kan thlai chin

hun chhung hian sik leh sa a inthlak hman dawn em, chu sik leh sa inthlak chu kan

thlai tan a pawi thei dawn em? tih finfiah phawt thin a tha. Thlai an thanduan leh a

par leh rah insiam hun lai hian nisa an mamawh tamin tui an mamawh tam a,

ruahtui beisei anga a thlen loh chuan tui pek hial pawh a tul thin.

3. Tuh/Phun Sawn Hun : A hun lova tuh/chin emaw phunsawn hian thlai tiak no

to insiamtir leh zung thlak tirten an tuar thin. Thlai tiak tirte hian an than duan

nan boruak lum leh ni rei an mamawh thin a. Tin, phun sawnte hian than nan leh a

zung insiam nan lei hnawng leh boruak lum an mamawh tam a, tuh/phun sawn

tlai lutuk chuan an than duan hun tha tur Nursery-ah tawt takin an hmang zova, an

tana hun thain a liamsan a, an nihphung tur ang an ni phak tawh ngai to va, an fere

duhin a thar a tlahniam thin. A then phei chuan a chaw zawngkhawmtu (Root hairs)

an chhuah tarn hman lo va, thal tuar chhuak zo lovin an thih phah thin.

oo0oo

A pumpelh dan : A tlangpuiin tuh chi chu ruahtui tlak dawn hnaih April-

May ah ni se, phunsawn chi chu ruahtui tlak inzawm that hun May-June thla

chhung ngeiin phunsawn ni se, Nursery-ah hian a tiah atangin a rei berah ni 30

bak awm lo se.

4. Hlo : Eng thlai pawh, kan duh leh mamawh lohna hun leh hmuna lo awm ve thin

hi tiin kan ko mai thin a, kan thlai chinte nen chaw, ni-eng leh boruak an inchuh a,

thlai aia an chuh chak zawk avangin a hun taka thlawh a nih loh chuan kan thlai

chinte an dip ral thin.Kan sawi tawh ang khan hnim chi hrang hrangte hian leilung

hi an dap chhuak hneh hle a, hlote pawh hian nasa takin kan thlai huanah hmun an

luah ve thin.

A pumpelh dan : Kan huanah hian hlo a awm miah lo tur a ni chuang lo va,

kan thlai chinte a tiah tirh atanga an than duan chhoh hun lai leh a par leh rah

insiam laite hian hlovin a dip tur a ni lo va, rah a chhuah fel tawh hnu chuan a

sengkhawm a tiharsa a nih lem loh chuan hlo hi lo awm ve mai mai se pawi an

khawih thei tawh chuang lo va, chu bakah hlo awm hauh lova huan dah turn chu

sum leh tha sen a hautak em avangin pawi khawih thei tawh lo china an awm chu

phalsak ve a pawi lo. Tin, hlo kan thlawh dawna hriat reng tur chu chi an chhuah

hma ngeia thlawh thin tur a ni.

5. Rannung leh Natna : Kan thlai chin azirin hun hrang hrangah rannung leh

natna hrikten an bawm thin a, a hun taka hmuhchhuaha enkawl a nih loh chuan

nasa takin a thar a tlahniam thin.

A pumpelh dan : Kan thlaite vil ngun ila, kan hriatthiam loh harsatna

kan thlaiten an tawk a nih chuan a rang thei ang berin Agriculture mithiamte rawn

vat hi a finthlak hle.

6. A Seng Hun : Seng hun dik taka seng loh chuan a tilin a zuva duh bakah

vawi tam tak lawh chi, a rah neiho ngat phei chu a rah chang dah reng chuan a

kungin a tuar a, a tar hma phah thin. Tin, Fu phei chu a par hnua seng chuan a

thlumna (sucrose) a tlahniam tawh thin.

A pumpelh dan : Seng hun dik tak sawi chu a harsa a, a chhan chu

thlai hrang hrangten seng dan leh seng hun an nei hrang theuh hlawm si a.

Chuvangin, a hun dik taka seng thei tura kan thlaite kan vin ngun a, kan lo

inhmakhua lawk hi a pawimawh ber chu a ni.

Heng kan sawi tak Agriculture-a Critical Period chi hrang hrangte khi

Zoram Loneituten vawng reng ila, Farming hi sumdawnna lian tak a nih tak avangin

hlawk lehzuala thlai thar a, rahbi thar chuangkai thei theuh turin can i la sauh sauh

ang u.

OIL

PALM NGE NGE

Lalchharliana, MAS

SDAO, Zawlnuam

Mahni tui zawng leh tawn hriat then then, mi hriat hnu leh rawkrailo te te mah

ni se, khawnge tun turn chu duh hawi zawng zawngin ka'n mualzawl silai hawl kual

mai mai teh ang. Tih-ah chuan Pu Hmutea tihdan takah kan thutpui mai mai ang hi

mihlim nu ho chuan an dinpui hluai fo tho a lawm mawle. Mahni ba lam na na na chu a

hre ber ang ziazangin phul pui leh chiam ila a ni mai. Tu'n an hlawk pui lo a nih

pawhin tu pa damdawi eisual ang deuhin a thawh na na-ah a thawk tawh mai ang chu.

Tun hnai maia hmel hriatah chuan Oilpalm hi chin tam ber leh chin manhla ber

pawl chu a ni phawt ang. Thlai thenkhat chu a hun laiin han uar viau hlawm mah ila a

hralhna lam kan inrin siak laih laih mai thin a nia, a fing hmasa sain an titawp hmasa

emaw tih mai tur a ni fo thin a, sorkar leh a changtu Department kan indem siak luai

luai mai thin a nih kha. Kan pi leh pu, kan nu leh pa ten a tha nia an hriat leh tute

maw tha tih zawng an theihtawpin an han buaipui ngial thin a, eng eng atangin emaw,

khawi khawi atangin emaw harsatna Tian takin a han tlakbuak thuai a, beidawng nih

hrehin an han tilui fan fan a, mahse a ngaihna hlawl a awm tawh loh hnuah thil

dangah an han peng leh rih thin a, patlingin `eng ber hi nge ching ila tha ang aw' an han

ti vawng vawng a, eng thlai pawh ching dawn sela rilruin ar bo a zawng a, Vairengte gate

thlang vela mite sukthlek azir zirin a man bithliah chawp a ni vel ta mai mai thin bawk

tak a, patling lu a haiin mut mawh hnar mawha neih a, helhkam loh rual a ni thin lo.

Hun a lo kal zel a, ‘mipa vannei bui meitawia' kan inti dawn nge, hun rangkachak

kan tawng kan ti dawn, hnathawk thei dinhmuna kan din laia kan hotuten oilpalm an

han chawchhuak hlauh hi chu kan vannei intih loh rual a ni lo. Tun hma, kha leh

chenah khan engatinge kan hotute hian an lo chah chhuah daih tawh loh aw tih

vawng vawngna tham a ni. Mi thuthiam thenkhatin oilpalm hi duhtu ram avangin

nula hmeltha nen an tehkhin thin a, mahse nula hmeltha te chu a la inchuhbuai

theihin a intih vuivai theih a, oilpalm hi chu inchuh buai ngai lo leh inthikna tur awm lo,

a duh apiang tana duh tawk tawk neih theih a ni miau a, chuvangin Oilpalm hi chu a

chungnung chiang a ni. A fing hmasa apiangin an ching hmasaiin an ching uar ta mai

chu a nih ber hi. Tun dinhmunah chuan oilpalm chingtute tluka nihlawh, tanpuina

dawng nasa leh sorkarin a ngaihsak hi an awm kher awm lo ve. Thlai dang chingtute

ran pawh thik tham an ni hial ta ve ang.

venhimna lam : Rannung leh a natna lam hi chu kan hotu mithiam tak tak ten an sawi

tam tawhin kan mamawh chu min supply hneh char char bawk a, keini ang, thawkho

zingah pawh ak zat hnih hnuailam, rawng lo lehnghal, thi beh chu sawi loh kungpuimuthi

pawh beh phaklo chu inrawlh loh law law a himin ka ring a, pute ring phawt ang. Sorkar

tana tih vak ngaihna awmlo, kan chhiatpui leh kan mutan lian ber(!)Sanghal mawlh mai hi

er tham a tlingin ka hria a. A sa a tui vang leh a hnawk em avang ngawta that mawlh

mawlh tura infuih a rem deuh si lo, ram vachal deuh erawh chuan tih dan eng tin tin

emaw an hre mai zel a, mahse hemi chungthu hi chu eng pawl emaw inhungna bang a

nek puar palh hlauh dah ange, sawi thui lo mai ang, kei chu a engahmah ka

inhnamhnawih ve lo a nia.

Zopa ti ti : Mizopa hi kan lo remhriain thil kan lo chik peih ve viau mai tih ka hre

chhuak. Bualpui pa pakhat chuan a fu huan hi thirzai lane hnih lek dul fahran hian a

hung a, han en mai chuan sanghal te chu han dal zia zang tur hi a ni lo, mahse `sanghal

hian thirzai rim hi a hlau a, a tawn ngam lo' a ti ve tlat. Pakhat leh chuan a huan

hungna thirzaiah thang ang deuh valh satliah hi a khai fur mai thung a, `sanghal hian

thirzai ringawt hi chu a reiah ngaiah a nei mai a, a hlau lo zui mai zel, hetia thil valh

han khai hian thang emaw an ti a, an tawn ngam lo'a ti ve thung. Kawnpui pa ve

thung chuan Thirzaia hung chu a hautak mai mai a, atta/wheat vai bag ruak, foot khat

vela hlaia zai sin hi vau-ah zar zawm put mai ila, a hautak tham lovin sanghalin an hlau

sia, ka zawngchhang khawp mai, a mawih deuhah ka thlak leh mai a', tiin a thatzia a

sawi rawtui khawp mai. Hortoki pa ve thung chuan `Sanghal ven nan sum sen a ngai

hlei nem, pawnchhia engpawh hi oilpalm bulah han vet mai mai ila, sanghal te chuan an

hlau lutuk tlat alawm, pawnchhe zawn khawm lah chu mizopa inah chuan a

huphurhawm lo khawp leh nghal a, ti hian a mawih chhiat veleh ka zawng khawm zel

a, ka thlak leh mai a', a ti ve thung. Khaw pakhata pa remhre deuh mai pakhat chuan

a huan hrul-vau velah radio pathum vel a khat mawi tawkin a khai a, zanah hian a

`on/play' zankhua mai thin a, `zai awm loh lai pawhin ri tuk tuk programme hi chu a

awm reng a, sanghal hian an hlau khawp mai, battery aiin oilpalm a hlu zawk tih ka

chiang, battery man ka ui phal lo' a ti ve tlat. Heti lo pawh hian sanghal ven dan hautak

si lo, tha si a la awm nual hmel a, pa remhre deuh ho khan kawmpui mai lovin in

remhriat dan hrang hrang han thawh khawm teh u khai.

Chhim lamah : Ti daih ila, kan Larsap Pu Purus.... a-te tualchaina,Kerala-Palode ah

khuan tun hnai khan ni thum lek Oilpalm chi chhuahna hmunpuiah thiam zirin ka zu

feh chhuak ve poh a, kal hma chuan a panna a hlat vei nen a zir chhung a rei si lova, a

man/hla vak awm lo mang e-haw chhung nen, ka ti deuh a, mahniin heti chen chen ka

la zin ngai si lova, ka phur vak lo deuh a ni. Mahse...mahse, a lo ni lo, nithum chhung hi a

hman dan azirin a lo hlu-in a lo hlawk thei viau mai tih ka hrechhuak.

Ei leh in lam: Nunphung a inan loh ang angin ei leh in dan pawh a inang lo chiang

khawp mai. Zing chaw atan thingpui leh papawr (papad) bakah vanneih chang chuan

bula mite zawh chawp ngai eng eng emaw, coconut tlem telh, nuai phek, a lai puar kan

han dawng a, a chaw bera lah chu min pe hlei lova, chutah chhun thingpui-ah chaw

leh a hmeh, zing chaw aia hnianghnar zetin min han chhawp lawih a, a tirah thleng

ruak an rawn chhawp ngawt a, a bulah engemaw an chhawp tawh chuan a ei theih e,

an ti mai a, an chhawp hmasak sak kha ei hmasak tur a ni mai, a chaw bera lah chu

kham dawnah min chhawp hman tawk a, min chhawp tak loh hlen chang pawh a

awm, ei tur hi non-mizo inkhawmpui ang deuhin a rawn thleng dawt zut tawh mai a

ni; chawhmeh fian an leklam vak lo, kut a ni deuh vek mai, hei hi chu kei mizopa

thiam zawng tak a ni! Dawhkan pakhat kil hoin kan buffet a ni ber e. Chawhmeh ber

pawh a awm chuang lova, a chaw bik pawh a awm chuang lo, kan chawm pawlh vek

mai. Keinin zanriah kan tih hi mut huna ei an duh tawk a, mut duh deuh tan chuan

muthlu chunga ei mai a awl ngawt ta ve ang. Chawei kham chuan 'mut' a ni tawp mai.

Bazar lam han hawi lawk ila-vantlang hmun a zauin kawngpui an duh zau bik

ngawt mai, heng laia kan kawngpui tha neih ang tiat vel hi chu an kawngpui kal

thiang daidan nan an duh tawk vel nia! Tin, dawr bak chu kawngkam tea in ding a

tam lo, kawng atangin an in kawng theuh kha tha takin an siam theuh mai, a

thawventhlak ang reng. A buaithlak ta ber chu kuhva dawr aiin zu dawr a tam zawk

teh tlat a, sandah zawrhna aiin zu inna 'bar' hmuh tur a tam zawk. Tih than zawng

thlak daih mai a chakawm rum rum. Hmawmsawm reng reng narial telh a ni tlangpui

awm mange aw, ka ti.

Helai hmun hi Oilpalm zir bingna hmun a nih avangin Oilpalm aiin Rubber an

uar zawk, narial nen, an ramhnuai reng reng chu rubber-in a khat a ni ber mai a, a

hmunah an awm chilh mai zel a, khua ang reng, ramhnuai ang reng a ni ber mai. Forest

Department enkawl park pakhat kan tlawh tumin a tlai tawh deuh bawk a, sai a awm

avangin tlai lamah chuan ramhnuai deuhah chuan kal loh a tha tiin an phal meuh lova,

kan kal ta tho a, eng em chu kan ti ta lo hlauh, kah hlum ai chuan hnaih loh an duh

tawk viau niin a lang. Kah phalloh tih lam chu an sawi lo va, fimkhur tur an ti mai a,

an zawm viau zawng a niang, kah turn awm hmel an awm lova, a kal ho pawh min

ringhlel lo va, tawhsual tawh palh min hlauhthawn pui mai zawk a ni e.

Kan zirna hmunah pawh hian Oilpalm chu a tam lua lo, ram tin 50 hmun lo lianniin

a lang lo, mahse kum 10 aia upa hlir an ding ngir khup mai a, coconut kung puitling

aia sang sang te pawh a tam tawh mai. A chinpun lam hi an buaipui lem lova, zir bingna

hmun tih takah a chi tha siam chhuah dan an buaipui ber. An sawi dan chuan

khawvel ram hrang hranga Oilpalm chi (Germplasm) an hmuh theih ang ang an la

khawm a, a quality tha ber turin an siam chhuak a ni ber mai e.

An Zirnate : Oil Palm hi chi thum a awm a, chungte chu — Pisifera variety (a pa chi), a

mu tuamtu kawr awm lo, a pawn thawp (mesocarp) tam chi; Dura variety (a nu chi), a

mu tuamtu kawr chhah leh sak em em leh Tenera-pisifera leh dura inthlahpawlhtira, a

pianziaa a chi dangte thatna belhbawm ti mai ang, mu tuamtu kawr chhah lutuk lo, a

pawn thawp (mesocarp) tam lutuk lo, heng laia kan lo chin ve ho ang chi hi.

Thlahpawlh tir : A pa (pollen) kha a hun takah khawih vel tiawlsam turin a diptu a

zar vel sah en deuh a, formaldehyde/formalin 40% in a par zawng zawng bakah a

tuamtu tur ip (terylene cloth) chhung lam ngun taka kah phawt tur, tichuan a pa par

kha a hun takah (a par kim hma ni 5 velah) a bika siam ip khan tuam phui vek tur a ni a, a

hmawr tawn tawnah phui taka tuam/tawn bawk tur a ni. Tichuan, a par kim atanga ni

2/3 velah a par kuangah tan hmawk tawh mai tur a ni. A tuamna chawp hian

daihlimah darkar 5 dah leh rih a, a bag-a tlakhawm turin a pa chi (pollen) kha thin

thlak tur a ni. A chi hi thuk (oven) -ah darkar 24 chhung 35°-40°C-ah ur tur a ni.

chi hi

chhihrih sin takin a chi tuamtu leh thil dang tangkai lo paih faiin hrik leh thlap tur a

ni. Tichuan, a chi chu bur te (test tube)-ah dah a, phui taka chhin tur a ni a, hman

dawn hunah a chi chu talcum powder nen 1:6-a thunfin tur a ni. Hetiang hian a chi hi

a hnawnna (moisture) 4% ni turin kar 6-8 chhung rep/pho tur a ni.

A nu par ve thung erawh chu a par hma kar khat vel atangin a tuamna ip (terylene

cloth)-a tuam tur a ni a, a par leh par loh hi ni tin a tuamna langtlang thei (sarang fim)

atangin thlithlai reng tur a ni. A par hma fal bik a awm chuan tuam dawn hian paih

nghal tur a ni. A par, tan tih hriat veleh a pa par (pollen) test tube-a mi, dawt pahnih

invuah sa zinga, pakhat kha saranga tuam zimtea tihawngsaah khan a dawt pakhat

atanga ham luh tur a ni. A nu chi a la par kim loh chuan a tukah tihnawn leh mai tur a

ni. A tuamna ip hi Formalin (40%) hmanga kah leh vek tur a ni bawk. Inthlahpawlhtir

(Pollination) hi zing lama tih a tha ber a, kar li hnuah a tuamna bag hi lak thlak tur a ni.

Tichuan Code No. te, date leh Cross No. te rangva plate-ah chhinchhiahna siam a, a

kungah tar thlap tur a ni. A rah a than that theih nan a bul vel hi thenfai tur a ni a, a

hnah/kau pawh tliak lo tawka uai hniam tawk vel turin sah auh tur a ni.

A chi sawngbawl dan : Tichuan, thla nga leh a chanve velah a lo hmin tawh ang a, hei hi

buara ip hmangin fimkhur tak leh dim tein a rah titla lo leh tihmelhem lo turin lawh tawh

mai tur a ni. A kawr kheh dan chi khat chu a rah hi buara chawpin a kawr chiahhnip

nan tuiah ni 10 chiah char char tur a ni a, mahse, tui ngai reng hman chuan a rimchhe

duh a, ni tin thlak a ngai thung. Tichuan, balu nen chawhpawlhin kein emaw kutin emaw

awlsam tein a kheh theih tawh a, a mu tuamtu zawng zawng hi paih fai vek tur a ni. A

kheh dan changkang zawk — Rotary Screen Depericarper leh Drum-type depericarper

pawhin a tih theih bawk. A chi hi natna laka ven nan Bavistin 2% hmangin minute 20

chiah leh tur a ni. A chi hi daihlimah ni 2 kan dah vang vang ang a, duhthusamah

chuan pindan air-conditioned 209-22°C, boruak hnawn zawng (humidity) 60% ni se,

kum khat chhung a nunna tichhe then miah lo vin avawn that theih a ni.

A chi muhil kaihthawh dan : Oil Palm chi hi a lo tiak har nangiang mai a,

mithiamte sawi dan chuan a chi kaihthawh dawn chuan a chi hi tuiah ni 5 chiah vang

vang tur a ni a, tui hi ni tin thlak tur a ni nghe nghe a. Chumi hnuah daihlimah

inthuah lo leh let sek pahin darkar 24 dah leh tur a ni. Hetih lai hian hnawng 17-18%

a pai ang. Tichuan, Polythene bag (45x25cm)-ah mu 500 vel zelin thun khawm leh a, a

ip hmawr hi nghet taka tawn thlap tur a ni. Tichuan, pindan 40°C vela lumah ni 80 chhung

a bika siam Tray (thleng)-ah dah vang vang tur a ni. Hemi hnu hian lak chhuah a, a

hnawng zawng 22% vel ni turin tuiah ni 5 chiah leh a, hmuar natna ven nan Bavistin

2% bawka kah leh tur a ni. A chi hnawng zual tihro nan chhuatah darkar 2 dah dark

leh rih tur a ni a, tichuan a chi chu polythen bag-ah bawk thun leh a, chhuatah rem

that tawh mai tur a ni. Kar 2 hnu velah a lo tiak (saingho) ang a, hemi huna tiak lo

chu a chi chhia a nih avangin paih mai tur a ni. A tiah atanga ni 4- na vel atangin chin

pun turin a bika siam bawmah thil dup (PU Foam) hmanga tuamin boruak lut thei siin

rinawm taka tawn leh thlap tur a ni a, tichuan rel leh thlawhna hmangin an thawn

chhuak ta thin a ni. An sawi danin a mu tiak (saingho) pakhat hi Rs.20/-in an hralh

thin.

Hemi hnu lam chu helaiahNursery-ah an lo kui tiak ta thin a ni a, a chi sawngbawl a

harsat zia leh hautak zia kan hre ta a, duh tan chuan chhut a har lo, helaia kan

huana chin theih tura puitlin meuh tur chuan a kalkawng a thuiin Sorkar pawh a

insengso nasa hle tih a hriat mai a, chutih laia kan huan hnaih thei ang bera min

dahsak tawh hnu pawha ching tha leh duh lo ang maia kan han dah veng veng mai te,

duhdah deuh maia phun nung ve satliah ringawt chunga tanpuina lam kan la bawh

huam huam zui hi chu a zahthlakin a chhan a tha lam sawi tur a vang ngawt mai.

Chuvangin, Oil Palm hi phun theih mai tura buatsaih a hautakzia leh a buangbarthlakzia

hriain a chingtute pawhin theihtawp takmeuh chhuah kan ba hle awm e.

■

THAL LAIA KAN THLAI CHIN UAR LEH

NGELNGHEHTIR DAN

George Lalthanngura, MAS

Asst. Soil Survey Officer

Directorate of Agriculture

(Crop Husbandry)

Mizote hi kuthnathawka eizawng, a tam zawk hi loneih leh chuktuah huan

siama ni tin hun hmang thin kan ni. Mi tlem zawk te erawh chu Sorkar hna leh thil

danga eizawngte an ni hlawm. Mipui tam zawk hi hetianga kuthnathawk ni mah ila,

kan mamawhte kan la thar chhuak pha lo hle mai. Buh bikah phei chuan kan thla thum

ei sei chauh kan thar chhuak a, hei hi leilet zawl, Buh leh Thlai chinna hmun kan

neihtawk loh vang te, kan thlawhhma lak te a zim tak vang te pawh a ni thei a.

Chubakah kan buh leh thlai te kum tluana thar reng kan nih bawk si loh avangin thar tun

chu a har thin hle mai. Buh leh thlai te hi a chin hun te, a seng hun te awma nei a

nih avangin a chin hun laiah chuan a tam thei ang ber thar chhuak tura tuna kan lak a

ngai a, hei bakah hian kan thlai thar chhuah te chhe lova rei tak dah that dan kan

thiam pawh a tul hle a ni.

Mizote hian hun bi then hrang hrang kan nei a, chung zinga pakhat 'Thal' laia

kan thlai chin chungchang kan sawi dawn a, Thal thlai kan tih reng reng hi thlai kum

hlun lo an ni ber a, ruah tui tlem lai a nih avangin thal thlai chu tuia chawm that a

ngaiin tui lak neih that a pawimawh hle. Thlasik thlai kan tihte nen hian thuhmun mg

deuh pawhin a ngaih theih mai awm e. Thlasik thlai kan chin tam tak Motor chana,

Moong leh a dang te pawh thala seng chi engngemaw zat a awm bawk a ni. Kan sawi tawh

ang khan Mizote chu kuthnathawka eizawng, leilet zawl tlemtea Buh leh thlai chin

bakah tlangramlto nei thin kan ni a, tlangram loneih hi kan pi leh pute hun laii atanga

kan lo chin tawh a ni a. Tlangram loneih hi ramngaw tihchereuna leh kan ram boruak,

sik leh sa tichhetu a ni tih hre reng chung sia kan la bansan fel theih loh a ni. Chuvang

chuan a ram leilung chhe tur, a theih chin china veng chungin thlai chin nan pawha

tangkai thei ang bera kan hman a lo ngai ta a ni. Kan lo neih dan phungah hian thlai

hmun a hranpa taka siam lovin Buh te nen kan chin pawlh vak zel mai thin a, hei hian hlo

thlawh te, thlai venhim te leh a seng thlengin harsatna a siam thei thin a ni. Chuvangin thlai

kan ching dawn a nih pawhin a theih chin chinah a hmun hranpa siam a tha ber fo. Hei hian Buh

leh thlai thar chhuah kawngah thui tak kawngro a su thei a ni.

Thal laiin thlai chi hrang kan ching tam em em lo va, tun hma lama fur leh

thlasikah chauh chin tur emaw kan tihte pawh thalah kan ching chho ta zel a, hei hi tui

lak tur neih that chuan a hlawhtling thei tho a ni tih a taka hretute kan ni awm e. Kan

enkawl danin a zir chuan eng hunah pawh hlawhtling takin thlai hrang hrang kan ching

thei tawh a ni ber a, boruak lum leh vawt, a ro lam leh hnawn lam te khuahkhirhna

hnuai kher loah pawh thlai hrang hrang kan ching ta zel a, thal thlai reng reng hi a hun lo

(off season)-a thar leh seng a nih avangin a hun pangngaia mi ai chuan a man pawh a to

bik zel a ni. Thal thlai kan chin zingah thlai tlem te chauh a tlangpuiin lo sawi ta ila :

1. French Bean : French Bean hi Thlasik thlai kan tihte zinga chhiar tel theih

tho a ni a, Bean chi hrang hrang tam tak awm zingah French Bean hi a lar ber pawl a

ni awm e. A kawm la no laiin chawhmehah hman a ni a, a char hnuin a mu an ei

bawk. French Bean hian chaw tha, Protein, Fat, Carbohydrate, Vitamin chi hrang

hrang, Fibre, Nicotinic Acid, Potassium, Magnessium, Iron, Phosphorus leh Chlorine

te a pai tam hle a ni.

French Bean hi a zam chi leh zam lo chi a awm a, hengah hian a chi hrang tam

tak a awm. A na nei lo chi hi hralh pawh a kal hle.

Sik leh sa thuah chuan khawlum lutuk lo leh vawt lutuk lo a duh a, ruahtui tam

lutuk a ngai thei lo bawk. Tin, lei chi hrang hrangah a chin theih laiin vaivut leh

leitak inchawhpawlh, lei thawpah a tha duh ber a, ph 5-6 hi a tawk vel bawk.

Kan ram leilung hi thlai in an ngeih kan tih rual hian an mamawh ang zawng

zawng a awm kim vek chuang lo va, chuvangin kan thlai te hrisela hlawk taka thar thei

tur chuan leitha nena kan chawm a ngai thin a ni. Acre 1 hmunah Bawngek leitha in 4,

leilung buatsaih laia chawhpawlh hi a tawk a, tin, fertilizer hi Hectare 1 hmun zelah

Nitrogen Kg 80, Phosphorus Kg 60 leh Potassium Kg 40 pek hi thlaiin an ngeih tawk

bawk. Heng Urea, DAP leh MOP te hi darh tha takin thlai chi phunna sirah 7-8 cm

vela hlaah thlai chi aia thuk deuh hlekah thlai chi thlak rualin phul tur a ni.

French Bean hi a zam chi a nih chuan inches 6-8 danah a tlar siamin a bi inches

12-18 a inhlatin chin tur a ni a, hetianga kan chin hian hectare 1 hmunah Kg 85-90 vel a

tawk thei. A zam chi chu inches 15 danah a tlar inches 20-25 inhlatin khur khatah mu

1 zela tuh tur a ni a, hectare 1 hmun atan Kg 25-30 vel a tawk thei bawk. Bean hi chaw

hmeh hralh kal tak a nih avangin kan thlai chin pawimawh takte zinga mi a ni.

Bawrhsaiabe : Bawrhsaiabe hi thal laia kan thlai chin pawimawh berte zing mi a

ni awm e. Chawhmeh atana kan hman bakah hralh sumah a tha a, a man a hniam tak tak

ngai lovin hmunhma zimte atang pawhin sum tam tak lakluh theihna a ni a, tun

aia

uar zawka chinah pawh a tha hle. Bawrhsaiabe hi thlasik lai pawhin a chin theih a.

thlasik thlai a hmang tur chuan September/October thlaa chin tur a ni.

Kan chin dawnin a tlar leh bi mumal taka siamin, 45 cm-a inkar hlatah a tlar

siamin a bi inkar hi 30 cm-in kan siam tur a ni. Kan thlai chin reng reng te uluk leh

awmze nei taka a tlar leh bi kan siam hian hlo thlawh, tui pek, natna leh hrik lak

atanga venna kawngah a awlsam phah em em a, a seng thlengin a awlsam phah a ni tih

hriain a dan ang thlap hian ti thei thin ila a duhawm khawp mai.

Bawrhsaiabe hi chin leh enkawl nuam tak ni mahse a tichhetu natna leh hrik

tamtak a awm avangin a enkawlnaah kan fimkhurin kan uluk em em tur a ni.

Mizorama Bawrhsaiabe tichhetu rannung lar zual te chu :

1. Sairil hrik 2. A kuhmum leh a rah khertu pangang

3. A rah khertu 4. Katnelh

A natna langsar zualte :-

1. A hnah hring leh eng inpawlh 2. A kung vuai leh thi

A kung tawih 4. A rah tawih.

Heng bakah hian thlai rulhut, a zung tisawrbawktu a la awm hawk.

Kan thlai chin reng rengte a hmunah kan tlawh fo thin tur a ni a, natna leh hrik

ten an tichhia em tih ngun takin kan en thin tur a ni.

Bawrhsaiabe chingtute tana hriattur thenkhat te :-

1. Khaw that lai, nisat laiin lei lehphut tur.

2. Bawrhsaiabe chin zawhah Vaimim, faisa chin tur.

3. A chi tha leh tharhlawk chauh chin tur.

4. A chi nena nuaipawlh tura tih damdawi hman tur.

5. A bi leh tlar fel taka siam tur.

6. Lei endik hunah a mamawh ang tawk zelin fertilizer pek thin tur.

Kan sawi tak bakah heng Cole crops-Zikhlum, Parbawr, Knol Khol te pawh hi thal

laia chin turin buatsaih ila, tui pek tur kan neih that chuan hlawhtling takin a chin

theih a ni. A awm hun ni loa kan ngaihah eng thlai pawh kan thar chhuah theih chuan

hralh sum atan pawh a thain sum lakluhna remchang tak a ni thei a ni. Hmun thenkhat

avangin Zikhlum te hi engnge maw zat thar chhuak ve bawk mah ila, kan mamawh

khawp chu a la tling loin phai lam atanga lakluh a la bo thei chuang lo a ni. Chutiang

bawkin Parbawr pawh phai atanga lak luh hi a la tam em em reng a ni.

Kan thlai hnahte zinga kan sawi hmaih hauh loh tur chu Maian leh Behlawi hi a ni

awm e, chawhmeh bazar khawi lai hmun mai pawh an luah a, chhung tinte min hrut

rualtu a tih theih mai awm e. Heng bazaar-a kan hmuh tam tak hi chu Nul atanga

thar te a ni hlawm a, thlawhhma atanga thar pawh tunah hian a awm ta zeuh zeuh

bawk.

Kan thal thlai chin zawng zawngte kan sawi kim hman vek lo ang a, kan hriat

reng atana tha erawh chu :

1. Kan thlai chin tur reng reng kan thlang ulukin kan fimkhur tur a ni.

2. A chi tha chauh kan ching tur a ni.

3. Damdawi hmangin a chi kan sawngbawl tur a ni.

4. Rannung leh natna laka him thei chi chin hram tur a ni.

5. A hun tak zelah tui kan pe thin tur a ni.

6. Thlai hmun a fai tha tur a ni.

7. Kan enkawl zawh tawk chauhah kan ching tur a ni.

8. Rannung leh natna lakah an him em tih kan thlithlai fo tur a ni.

9. Damdawia enkawl ngai a nih chuan Agriculture Department-a mithiamte kan rawn

thin tur a ni.

10. A seng hunah tak kan seng tur a ni.

11. A leilung awmdan leh thlaiin a mamawh tawk ang zela leitha pek a nih theih nan

mithiam rawn fo a tha.

A tawp berah chuan thlai ngelnghet taka awm tur chuan thlai kumhlun te a lo ngai a,

kan sawi tak thal thlaite chu thlai kumhlun lo, season khat thlaite an nih tlangpui

hlawm avangin enkawl dan tawk pawh kan thiam hle a tul awm e. Thlai chi khat kan

chin, kan seng zawh hnuah eng thlai nge kan chin leh ang tih pawh uluk taka ngaihtuah a

ngai a, a chhan chu thlaite hi leilunga thlai chaw awm sa ring ringawt an awm laiin Be

lam chi chuan lei an siam tha ve thung a, chuvangin kan thlai chin inchhawk dan

turte pawh kan ngaipawimawh hle tur a ni.

■

Kan Chetvelna

1. January ni 9, 2014 khan Dr. Charan Das Mahant, Union Minister of State,

Agriculture & Food Processing Industries chuan zan khat riaka Mizoram rawn

tlawhin Agriculture leh a kaihhnawih Department-te nen Mizoram Sate Guest

House-ah Review Meeting an nei. He Review Meeting-ah hian Pu R. Lalzirliana,

Agriculture Minister, Lt. Col. Z.S. Zuala, Parliamentary Secretary, Agriculture leh

Pu Lalram Thanga, IFS, Principal Secretary, Agriculture leh Line Department

Officer thahnem tak an tel. Review Meeting zawh hian Union Minister puala Pu R.

Lalzirliana, Agriculture Minister buatsaih zanriah kilho nghal a ni.

2. Department of Agriculture (Crop Husbandry) buatsaih, ni hnih awh Agriculture

Exhibition chu February ni 17 & 18, 2014 khan Assembly House Annexe-ah neih a ni

a. Exhibition-ah hian Agriculture Minister Pu R. Lalzirliana chu khuallian a ni a,

Lt. Col. Z.S. Zuala, Parliamentary Secretary, Agriculture chuan Minister hi a

tawiawm. Exhibitionah hian ATMA hmalakna hnuaia Department hrang hrang —

Agriculture, Horticulture, Fisheries, Soil & Water Conservation, A.H. & Vety,

Sericulture Department-te bakah KVK 7 hlawmkhawm leh CAU (KVK), Selesih

ten Stall neiin thlai thar chi hrang hrang, thei rah chi hrang hrang, rubber tiak, Silk

pangang leh Cocoon chi hrang hrang, sangha leh bawnghnute te bakah hmanraw

chi hrang hrangte entir a ni a, hmalakna hrang hrang thlalak - Blow Up leh Banner te

hmanga entir a ni bawk. He Exhibition hi District hrang hrangten ATMA hnuaia an

hmalakna inentirsiakna a ni a. Endiktu tura ruatten an endik hnuah Aizawl

District chu Pakhatna niin Kolasib District Pahnihna an ni a, Lunglei District chuan

Pathumna an hauh bawk. Tin, King of the Show atan Oil Palm rah bawr, Pu

Sanglura, Zawlnuam, Mamit District ta chu thlan a ni a, Queen of the Show atan

Sangha (Catla/Bau), Kg 11-a rit, kum 3-a upa, Pu Vanlalnghaka Saito,

Tuisenchhuah, Lunglei District ta chu thlan a ni bawk.

3. Ni 18.2.2014 khan Mizoram pum huap Farmers' Meet 2014 chu Vanapa Hall-ah

buatsaih a ni a. He hunah hian Agriculture Minister Pu R. Lalzirliana chu khuallian

niin

loneitu hrang hrang, tlangram leh leileta buh thar tam te, Oil Palm thar tha

leh Fu thar thate hnenah lawmman a sem. Loneitute hnena lawmman sem hian

pawisa fai leh chawimawina thuziak a keng tel a ni.

4. Ni 14.3.2014 (Zirtawpni) khan Agriculture Department leh Doordarshan Kendra,

Aizawl te tangkawpin Berawtlang-a Art and Culture Auditorium-ah Crop Seminar

buatsaih a ni. He Seminar hi kumin 2014 a Agriculture Department hnuaia loneitute

inbuatsaihna tura ruahman a ni a, he hunah hian hlawk zawka Buh chin dan te, Oil

Palm chin dan te leh Fu leh Kurtaia kan intodelhna turte sawihona neih a ni.

Agriculture mi thiamten thusawina neiin loneitu lamin zawhna chi hrang hrang an

zawh te chu Agriculture mi thiamten an chhang nghal a zel a ni. He programme hi

Doordarshan Kendra, Aizawl chuan thingtlang khaw hla zawka loneitute tana

tangkai turin Live-in a pe chhuak a ni.

5. Ni.13-14 March, 2014 khan Pu R.K.Nithanga, Dy.Director (OP) leh Pu Vanlalruata

Hnamte AEO (OP) te chu Directorate of Oil Palm Research (DOPR), Hyderabad-ah

Orientation Workshop on National Mission on Oilseeds &Oil Palm (NMOOP)

hmangin an kal.

6. Ni 24-25 March, 2014 khan Ru R.K.Nithanga Dy.Director (OP) chu Krishi Bhawan,

New Delhi ah kum 2014-2015 atana Annual Action Plan on NMOOP sawihonaah

a tel.

7. Ni 21-24 April, 2014 khan Dr.S.Arulraj, Director, DOPR chuan Mizoram-a Oil

Palm tharchhuah te a lo pun theihna tura 'Block Demonstration' neihna hmun

turte enfiaha thlang turin Mizoramah a lo zin a, Kolasib District-a Khamrang `Tuitun

zau' hmunte enpui a ni a, helai hmun 100 Ha. a zau hi Oil Palm hmun, a bik taka

thar chhuah tipung tura thlan fel a ni.

8. Ni 27 May,2014 khan Pu Lalram Thanga, IFS, Principal Secretary leh. Chairman

Oil Palm Price Fixation Committee hovin Oil Palm rah (FFB) man chungchang thlirin

an thukhawm a. He Committee-ah hian Oil Palm rah (FFB) man lkg a Rs.4.75 ni

mek chu Rs.5.50 a tihsan an remti a, he rate thar hi

1st

June 2014 atanga hman

tan tur a ni. Company ten Collection Centre atangin an lei thin ang.

9. 19th — 21" May, 2014 chhung khan EEI, Jorhat leh MAMETI te tangkawpin

Agriculture Conference Hall, Aizawl-ah Off-Campus Training on 'Agri-

entrepreneurship & PPP in Efficient Extension Management' buatsaih a ni. He

hunah hian District hrang hranga ATMA scheme enkawltute an tel kim hle.

Directorate, District Office leh Sub Division Office atang pawhin Officer

engemaw zat an tel bawk.

10. Ni 22.5.2014 (Ningani) khan Agriculture Department-a Officer-ten Agriculture

Conference Hall-ah 'Sensitization on Implementation of Centrally Sponsored

Schemes' hun an hmang. He hun hi Dr. C. Lalzarliana, Director of Agriculture

(Crop Husbandry) chuan kaihruaiin Pu Lalram Thanga, IFS, Principal Secretary,

Agriculture chuan a hmanpui.

11. Ni 23.5.2014 (Zirtawp) khan Tourist Lodge, Chaltlang-ah Mizoram Agriculture

Service Association (MASA) chuan General Conference — 2014 an hmang. He

hunah hian Pu R. Lalzirliana, Minister of Agriculture chu khuallian niin Lt. Col.

Z.S. Zuala, Parliamtentary Secretary, Agriculture chu khual zahawm a ni bawk.

He General Conference hi Pu R.K. Nithanga, President, MASA chuan kaihruaiin

Dr. C. Lalzarliana, Director of Agriculture (Crop Husbandry), Adviser, MASA ni

bawk chuan palaite lawmna thu a sawi. He hunah hian kum 2014-16 chhunga

MASA hruaitu tur thlan a ni a, hengte hi hruaitu tura thlante chu an ni —

a. President - Pu R.K. Nithanga

b. Vice President - Pu Tlangtimawi Zote

c. Secretary General - Pu George Lalthanngura

d. Secretary i/c Organization - Pu B. Ramnunsanga

e. Secretary i/c Info & Pub - Pu C. Lalnithanga

f. Secretary i/c Welfare - Pu H. Neihchhunga

g. Secretary i/c Finance - Pu F. Lalmalsawma

h. Treasurer - Pi Lalengzami Haolai.

12. 13th June, 2014 zing dar 9:00 khan Custom Hiring System hnuaia loneitute hman

tur Tractor lian 7, Rotovator 7, trailor 7 leh paddy reaper 7 chu Directorate of

Agriculture atangin Pu R. Lalzirliana, Agriculture Minister chuan a vai-liam. Flag-

off Programme of Farm Machineries hi Pu Lalram Thanga, IFS, Principal

Secretary, Agriculture chuan kaihruaiin Dr. C. Lalzarliana, Director of Agriculture

(Crop Husbandry) chuan Technical Report a pe. Agriculture Minister hi Lt.Col.

Z.S. Zuala, Parliamentary Secretary, Agriculture chuan a tawiawm a ni.

13. 13th & 14th June 2104 khan Joint Secretary (Crops), Govt. of India hova neih,

`Workshop on Promotion of Pulses and Coarse Cereals under NFSM for North

Eastern States' chu ICAR Research Complex, Barapani, Umiam, Meghalaya-ah

neih a ni a, he Workshop-ah hian Pu Rohmingthanga Colney, Deputy Director

(Planning) leh Pu K.Laltlanmawia, AEO (Planning) i/c NFSM to chu an kal.

14. Ni 13.6.2014 khan Lunglei District-a Oilpalm chingtute fuih tharna ni pahfawmin

Ruchi Soya Industries Ltd.-in Phairuangkai-a Oilpalm Nursery an siam atangin

Oilpalm tiak a vai Liam.

oo0oo

A. Transfer & Posting : Heng ahnuaia kan Officer-te leh Staff-te chu tun hnai khan

an awmna siksawi danglam a ni :

SI No

Name

Present Place of Posting

New Place of Posting

PuJames Vanlalluaia

DAO, Lunglei

Deputy Director (Extension)

Pu R. Lalnunzira

DAO, Lunglei

DAO, Kolasib

Pu H. Joela

Deputy Director (Soil Survey)

DAO, Lawngtlai

Pu J. Rothanga

Deputy Director (Soil Survey)

DAO, Lunglei

Pu Lalhmingmuana

SDAO, Lunglei

SO-cum-SA, Directorate

Pu C. Lalzarliana

Instructor, ITC, Hnahthial

SDAO, Darlawn

Pu Lalengliana

SMS (PP), DAO's Office,

Champhai

SMS (Agro), DAO's Office,

Kolasib

Pu Zoramthanga

SDAO, Zawinuam

Seed Analyst, DAO's Office,

Aizawl

Pu.Ngurrinsanga

Sailo

SMS (SS), DAO's Office, Saiha

SDAO, Lunglei

Pu Lalmalsawma

SMS (Agro), DAO's Office,

Kolasib

SDAO, Kolasib

Pi Varthanchhungi

Peon, DAO's Office, Mamit

Peon, DAO's Office, Aizawl

Pu V. Zamliana

AEO, N. Vanlaiphai Circle

Instructor, ITC, Hnahthial

Pu Lalchharliana

Seed Analyst, DAO's Office,

Aizawl

SDAO, Zawinuam

Pu Laltanpuia

AEO, DAO's Office, Aizawl

SDAO, Kawrtethawveng

Pu Lalnunthara

Peon, Directorate

Peon, DAO's Office, Kolasib

B. Promotion :Heng a hnuaia kan thawhpuite hian Promotion an hmu a, kan

lawmpui hle :

Pu H. Lalthanpuia

JointDirector (MMA)

Director of Agriculture (R&E)

Pu H. Thankhuma

DAO, Aizawl

Principal, ITC, Hnahthial, tunah Joint

Director (MMA)

Pu Lalthansiama

Deputy Director (Extn)

Principal, ITC, Hnahthial.

Pu J. Rothanga

SO-Cum-SA

Deputy Director (SS), tunah DAO,

Lunglei

Pu.C.Lalthlamuana

SDAO, Kolasib

Deputy Director (Soil Survey)

Pu Laltanpuia

AEO, Saitual Circle

SDAO, Kawrtethawveng

Pu Lalchharliana

AEO, Kawnpui Circle

Seed Analyst, DAO's Office, Aizawl,

tunah SDAO, Zawlnuam-ah

Pu V. Zamliana

AEO, Neihbawi Farm

Instructor, ITC, Hnahthial

A. Pension : Heng ahnuaia mite hian ei leh bara kan intodelhna tur kawnga hun rei tak

Agriculture Department-a an thawh hnuin Superannuation Pension-in min chhuahsan ta.

Kan ui hie a ni —

Pu C. Lalniliana, Director of Agriculture (R&E)

Pension ni 28.2.2014

Pu C. Lalthantluanga, AEO, DAO's Office, Kolasib

Pension ni 28.2.2014

Pu K. Vanlawma, Peon, DAO's Office, Champhai

Pension ni 31.8.2013

Pu Ngunawrha, Peon, DAO's Office, Lawngtlai

Pension ni 31.8.2013

Pu P.C. Chuauzika, Peon, DAO's Office, Lunglei

Pension ni 28.2.2014

Pu R.B. Rana (Bahadur), Peon, DAO's Office, Champhai:

Pension ni 30.6.2014

B. Degree hmu thar : Pu Vanlalhruaia Hnamte, Programme Coordinator, KVK,

Lengpui chuan Mizoram University, Aizawl atangin Doctor of Philosophy (Agro-

Forestry) degree a hmu thar. A thesis chu 'Potentiality of Intercropping in Assam Lemon

(Citrus Lemon) under Agro-Forestry System of Mizoram' tih a ni. Kan lawmpui hie.